________________
विसेसचुण्णि
[मासकप्पपगयं गणओ तिन्नेव गणा, जहन्न पडिवत्ति सयौं उक्कोसा। उक्कोसजहन्नेणं, सतसो च्चिय पुव्वपडिवन्ना ॥१४३५॥ सत्तावीसं जहन्ना, सहस्स उक्कोसतो उ पडिवत्ती ।
सयसो सहस्ससो वा, पडिवन्ना जहन्न उक्कोसा ॥१४३६॥
"ते वि असंखा लोगा०" ["गणओ०"। "सत्तावीस०"] गाहा । ते वि त्ति जेसु परिहारिओ तप्पढमयाए पडिवज्जइ तेसु वि य सामाइय-छेओवट्ठावणियसंजयाणं संजमठाणाण वोच्छेओ न भवति । तओ उवरिं असंखेज्जा' संजमठाणलोगा, सामाइय-छेओवट्ठावणियसंजमठाणा भवंति चेव। एत्थ सामाइय-छेदोवट्ठावणिया वोच्छेज्जति । जेण कारणेणं जत्थ सुद्धपरिहारियस्स तप्पढमयाए पडिवत्ती तओ वि परेण असंखेज्जा संजमठाणलोगा गंता सामाइय-छेओवट्ठावणिया वोच्छिज्जंति । एएण कारणेणं पुव्वपडिवन्नओ सुद्धपरिहारिओ अन्नेसु वि संजमठाणेसु होज्ज । सामाइय-छेओवट्ठावणियसंजमठाणेसु इत्यर्थः ।
अत्राह-जइ सुद्धपरिहारिओ सामाइय-छेओवठ्ठावणियसंजमठाणेस भवत्येव तो किं सुद्धपरिहारियो भण्णति, न छेओवट्ठावणियसंजओ भन्नइ ? उच्यते-"अन्नेसु वि वटुंता०" (गा० १४३२) गाहापच्छद्धं । तीतनयमिति यस्मात् छेओवट्ठावणियस्स जहन्नयाणि संजमठाणाणि प्रतीत्य तप्पढमयाए पडिवज्जइ । एतं अतिक्रमणनयं प्रतीत्य - अन्नेसु वि वर्सेतो तीतनयं वुच्चंती पप्प । जत्थ सुद्धपरिहारिया वोच्छिज्जंति, ततो असंखेज्ज संजमट्ठाणा लोगा गंता सुहुमसंपरायस्स जहन्नया संजमठाणा, ततो असंखेज्जसंजमठाणे लोगागंता सुहुमसंपरागो वोच्छिज्जति । ततो असंखेज्ज संजमठाणे लोगा गंता सुहमसंपरागस्स जहन्नया संजमठाणा, ततो असंखेज्जा संजमठाणा लोगा गंता सहमसंपराओ वोच्छिज्जइ । तओ असंखेज्जा संजमठाणा लोगा गंता अहक्खायसंजमठाणा भवंति । गणणप्पमाणे इमं नाणत्तं । पुव्वभणितमेव गच्छप्पमाणं पुरिसप्पमाणं च । पुणो विसेसो भण्णति -
पडिवज्जमाणभइयो', इक्को वि उ होज्ज ऊणपक्खेवे ।
पुव्वपडिवन्नया वि उ, भइया इक्को पुहुत्तं वा ॥१४३७॥
“पडिवज्जमाणभइओ०" गाहा । पडिवज्जमाणया सिय अत्थि सिय नत्थि । जइ अत्थि जहन्नेणं एक्को वा दो वा तिन्नि वा, उक्कोसेणं सयपुहुत्त । पुव्वपडिवन्नया वि एवं चेव,
१. संखेज्जा अ । २. भइया मुच । ३. पुहत्तं ब ।
