________________
विसेसचुणि
[ मासकप्पपगयं
पढम-बितियकप्पसरिसा । छट्ठे दिवसे तइयकप्पसरीसा । सत्तमे दिवसे कप्पर ताए वीहीए
हिंडिरं ।
६४
अभिग्गहे दद्धुं करणं, भत्तोगाहिमग तिन्नि पूईयं ।
चोदग ! एगमणेगे, कप्पो त्ति य सत्तमे सत्त ॥१४०१॥
‘अभिग्गहे दद्धुं० 'ति । जिणकप्पियअभिग्गहा दद्धुं । करणं ति आहाकम्मियकरणं ।
'चोयग० " पच्छद्धं । चोयओ भणइ - किं तस्स परिज्ञानं नास्ति जओ छव्वीहीओ गामं करेइ ? आयरियो भणइ–एरिसो तस्स नाणविसओ । जेण जद्दिवसमेव कीरइ आहाकम्मं तद्दिवसमेव सो तं जाणइ, एसो तस्स आहाकप्पो । जं छव्वीहो गामं करेइ ताहे सत्तमे दीवसे पढमवीहीए हिंडइ । सत्तमे सत्तमं । जाए वीहीए आहाकम्मं कज्जइ तओ आरब्भ सा सत्तमा वीही पुणो आवज्जइ । तं दट्टं सा सड्ढी भणति
44
-
अणगारं, सड्ढी संवेगमागया काइ ।
नत्थि महं तारिसयं, अन्नं जमलज्जिया दाहं ॥१४०२ ॥
सव्वपयत्तेण अहं, कल्लं काऊण भोअणं विउलं । दाहामि तुट्टमणसा, होहि मे पुण्णलाभो ति ॥ १४०३॥ फेडित वीही तेहिं, अणंतवरनाणदंसणधरेहिं । अण अपरितंता, बिइयं च पहिंडिया तहियं ॥ १४०४ ॥ पढमदिवसम्मि कम्मं, तिन्नि उ दिवसाइँ पूइयं होइ । पूतीसु तिसु न कप्पड़, कप्पति ततिओ जया कप्पो ॥ १४०५ ॥
बिइयदिवसम्मि कम्मं, तिन्नि उ दिवसाइँ पूइयं होइ । तिसु कप्पेसु न कप्पड़, कप्पति तं छट्ठदिवसम्मि || १४०६ ॥ कल्लं से दाहामी, ओगाहिमगं न आगतो अज्ज । तइयदिवसाइ तं होइ पूइयं कप्पए छट्ठे ॥ १४०७॥
एमेवोगाहिमगं, नवरं तइयदिवसे वि तं कम्मं । तिसु पूइयं न कप्पड़, कप्पइ तं सत्तमे दिवसे ॥ १४०८ ॥
