________________
भासगाहा - १३८९-१४०० ]
पढमो उद्देसो
वस अणुण्णवितो, जति भन्नति कइ जण त्थ तो न वसे । सुमं पि न सो इच्छति, परस्स अप्पत्तियं भगवं ॥१३९६ ॥ "वसहिं अणुण्ण० अलेवे य" ( गा० १३८४) एयाणि दाराणि एगट्ठा वक्खाणेइ -
-
तइया भिक्खाचरिया, पग्गहिया एसणा य पुव्वुत्ता । एमेव पाणगस्स वि, गिण्हति अ अलेवडे दो वि ॥१३९७॥ “तइया भिक्खाचरिया० " गाहा । कण्ठ्या । दो वि त्ति भत्तं पाणं च । आयंबिलपडिमाओ दो वि दारा एगट्ठा वक्खाणेइ
11
गाहा । कण्ठ्या । “भिक्खायरिया पाणग लेवालेवे तहा
-
आयंबिलं न गिण्हइ, जं च अणायंबिलं पि लेवाडं ।
नय पडिमा पडिवज्जति, मासाई जा य सेसाओ ॥१३९८ ॥
६३
"आयंबिलं न गिण्हइ० " गाहा । कण्ठ्या । जा य सेसाओ त्ति पढमसत्तराइंदियाई भद्दाइयाओ वा । जिणकप्पे मासकप्पविहि त्ति ।
कप्पे सुत्तत्थविसारयस्स संघयणविरियजुत्तस्स । जिणकप्पियस्स कप्पति, अभिगहिया एसणा निच्चं ॥१३९९॥
"कप्पे
सुत्तत्थ० " गाहा । कण्ठ्या । तस्स जिणकप्पियस्स आयं मासकप्पो । छव्वीहीओ गामं, काउं एक्किक्कियं तु सो अड्ड् । वज्जेउं होइ सुहं, अनिययवित्तिस्स कम्माई ॥ १४००॥
"छव्विहीओ गामं काउं० गाहा । कण्ठ्या । वीहि त्ति वा प्रविभागे त्ति वा अंसु त्ति वा एगट्ठे । दिवसे दिवसे एक्कक्कं वीहिं हिंडइ । बिइयदिवसे बिइयं वीहिं हिंडइ । एवं छट्ठे दिवसे छट्टं वीहिं । कहं पुण सुहं कम्मादी वज्जइ, अनियतवृत्तित्वं च भवति ? एत्थ इमो दिट्टंतो-एवं तस्स पढमं वीहिं हिंडतस्स एक्काए सड्डीए परमाए सद्धाए घयमहुसंत्तं भिक्खं णीणियं । तेण नेच्छियं । ताहे सा निरातरं जायसड्ढा । बिइयदिवसे विपुलं असणाइ ओगाहमादीणि य उवक्खडेत्ता तं पडिक्खंती अच्छइ । सा वीही तेण परिहरिया | बितितदिवसे बिइयाए वीहीए पहिँडिओ, ताहे सा चिंतेइ - कल्लं एयं चेव दाहामि, ठावियं अच्छइ । सा वीही तद्दिवसं आहाकम्मियसरिसा । बीय- तइय- चउत्थेसु दिवसेसु पूइसरिसा । पंचमम्मि दिवसे
