________________
विसेसचुण्णि
उच्चारे पासवणे, उस्सग्गं कुणति थंडिले पढमे । तत्थेव य परिजुण्णे, कयकज्जो उज्झती वत्थे ॥१३८९॥ अप्पमभिन्नं वच्चं, अप्पं लूहं च भोयणं भणियं । दीहे वि उ उवसग्गे, उभयमवि अथंडिले न करे ॥१३९० ॥ "उच्चारे पासवणे० " [" अप्पमभिन्नं०"] गाहाद्वयं कण्ठ्यम् । उत्सर्जनमुत्सर्गः, छड्डणमित्यर्थः । उभयमवि त्ति सन्ना काइयं च । जिणकप्पिया सन्नं वोसिरित्ता न निल्लेवेंति । तेसिं सन्ना थोवा अभिन्नवच्चा य । तेसिं भोयणं थोवं, तदपि लूहं, नेहविरहितमित्यर्थः ।
इदाणि वसहि त्ति दारं -
६२
अममत्त अपरिकम्मा, नियमा जिणकप्पियाण वसहीओ । एमेव यथेराणं, मुत्तूण पमज्जणं एक्कं ॥ १३९१॥
[ मासकप्पपगयं
"अममत्त० " गाहा । कण्ठ्या ।
बिले न ढक्केइ न खज्जमाणि, गोणादि वारिंति न भज्जमाणि । दारे न ढक्कंति न वऽग्गलिंति, दप्पेण थेरा भइया उ कज्जे ॥१३९२॥
"बिले न ढक्केइ० " त्ति कण्ठ्यम् । इदाणिं केच्चिर - उच्चार- पासवण - ओगासतणफलय-सारक्खण-संठवणदारा एगट्ठे वक्खाणेइ
किच्चिरकालं वसिहिह, इत्थ य उच्चारमातिए कुणसु । इह अच्छसु मा य इहं, तणफलए गिहिमे मा य ॥१३९३॥ सारक्खह गोणाई, माय पडिंतिं उविक्खहउ भंते ! । अन्नं वा अभिओगं, नेच्छंतऽचियत्तपरिहारी ॥१३९४॥
"केच्चिर कालं विसिहिह० " ["सारक्खह० " ] गाहाद्वयं कण्ठ्यम् । पाहुडिअ अग्गि-दीवो-ओभावणा एते चत्तारि दारा एगट्ठा वक्खाणेइ यथासंख्यम्
पाहुडिय दीवओवा, अग्गि पगासो व जत्थ न वसंति । जत्थ य भांति ठंते, ओहाणं देह गेहे वि ॥१३९५॥
"पाहुडिय दीवओ वा० " गाहा । कण्ठ्या । पाहुडिय त्ति बली पाहुडिया । इदाणिट्ठा दारं भणियं कइजण त्ति दारं भण्णइ -
१. नास्ति अ । २. ढक्कंति मुच ।
