________________
भासगाहा-१३७८-१३८८] पढमो उद्देसो
सुय संघयणुस्सग्गे', आतंके वेदणा कइ जणा य । थंडिल्ल वसहि केच्चिर, उच्चारे चेव पासवणे ॥१३८२॥ ओवासे तणफलए, सारक्खणया य संठवणया य । पाहुडि अग्गी दीवे, ओहाण वसे कइ जणा य ॥१३८३॥ भिक्खायरिया पाणग, लेवालेवे तहा अलेवे य।
आयंबिल पडिमाओ, जिणकप्पे मासकप्पो य ॥१३८४॥
"सुय संघयणुस्सग्गे०" ["ओवासे०" "भिक्खायरिया०"] दारगाहाओ तिन्नि । तत्थ पढमं सुयंति दारं । तस्स वक्खाणगाहा -
आयारवत्थुतइयं, जहन्नयं होति नवमपुव्वस्स । तहियं कालण्णाणं, दस उक्कोसेण भिन्नाइं ॥१३८५॥ "आयारवत्थु०" गाहा । कण्ठ्या । सुयं ति गयं । इदाणिं संघयणं । तत्थ गाहा - पढमिल्लुगसंघयणा, धिईऍ पुण वज्जकुड्डसामाणा।
उप्पज्जंति न वा सिं, उवसग्गा एस पुच्छा उ ॥१३८६॥ "पढमिल्लुय०" गाहा । कण्ठ्या । संघयणं गयं । इदाणि उवसग्ग-आयंका य दो वि दारे एगढे वक्खाणेइ -
जइ वि य उप्पज्जते, सम्मं विसहति ते उ उवसग्गे । रोगातंका चेवं, भइया जति होति विसहति ॥१३८७॥ "जइ वि य०" गाहा । कण्ठ्या । इदाणिं वेयण त्ति दारं -
अब्भोवगमा ओवक्कमा य तेसि वियणा भवे दुविहा । धुवलोआई पढमा, जरा विवागाइ बिइएक्को ॥१३८८॥
"अब्भोवगमा०" गाहा । कण्ठ्या । जराए चेव विवागो जराविवागो । कर्मतो जा वेदना सा निदानतो, अणिदाणतो वा जा वेयणा बितिय त्ति बिइया वेयणा ।
इदाणि कइजण त्ति एक्को, अहवा एयं दारं अंते भन्निहिति । इदाणि थंडिल्ले त्ति दारं -
१. संघयणुवस्सग्गे मुच ।
