________________
विसेसचुण्णि
[मासकप्पपगयं “पक्खीव पत्तसहिओ०" गाहा । पत्ता पिंछा । जहा पक्खी पिंछसहिओ गच्छइ । एवं सो सभंडो गच्छइ निरवयक्खो। “एगंत''त्ति । एगंत मासपाउग्गं खेत्तं गच्छइ । इयरे वि ताव पलोएंता अच्छंति, जाव निप्पालोको गओ । तं च एगंतं जाइ जाव तइया पोरुसी, जत्थ ओगाहइ चउत्थी तत्थेव ठाइ।
सीहे इव मंदरकंदराओं नीहम्मिए तओ तम्मि। चक्खुविसयं अइगए, अइंति आणंदिया साहू ॥१३७५॥ निच्चेल सचेले वा, गच्छारामा विणिग्गए तम्मि । चक्खुविसयं अईए, अयंति आणंदिया साहू ॥१३७६॥ आभोएउं खेत्तं, निव्वाघाएण मासनिव्वाहिं। गंतूण तत्थ विहरइ, एस विहारो समासेणं ॥१३७७॥ "सीहे इव०" ["निच्चेल सचेले०" "आभोएउं"] गाहाओ कण्ठाओ । विहारो
गओ।
इदाणि सामायारी । सा दसविहा - इच्छा मिच्छा तहक्कारो, आवस्सि निसीहिया य आपुच्छा । पडिपुच्छ छंदण निमंतणा य उवसंपया चेव ॥१३७८॥ "इच्छा मिच्छा०" गाहा । इत्थ इमा तस्स सामायारीओ -
आवसि निसीहि मिच्छा, आपुच्छ्वसंपदं च गिहिएसु । अन्ना सामायारी, न होंति से सेसिया पंच ॥१३७९॥ आवासियं नीसीहियं, मोत्तुं उवसंपयं च गिहिएसु । सेसा सामायारी, न होंति जिणकप्पिए सत्त ॥१३८०॥ ["आवसि०"] "आवासियं०" गाहा । कण्ठ्या । अहवा वि चक्कवाले, सामायारी उ जस्स जा जोग्गा।
सा सव्वा बोधव्वा, सुयमाई वा इमा मेरा ॥१३८१॥ "अहवा वि चक्कवाले०" गाहा । कण्ठ्या । मेर त्ति सामायारी ।
१. निप्पाओ लोको अ । २. सीहम्मि व मुच ।
