________________
भासगाहा-१३६०-१३७४] पढमो उद्देसो
__ “दव्वाई अणुकूले०" गाहा । संघं आहूय असइ संघे सगणो अवस्स मेलेइतव्यो । ताहे भावओ पसत्थं तित्थगरसमीवे, तस्सासइ गणधरस्सगासे, तस्सासइ चोद्दसपुव्वीसमीवे, तस्सासइ अभिण्णदसपुव्विसगासे, तस्सासइ वडरुक्खहेट्ठा । एरिसे ठाणे -
गणि गणहरं ठवित्ता, खामे अगणी उ केवलं खामे । सव्वं च बालवुडं, पुव्वविरुद्धे विसेसेणं ॥१३६७॥ जति किंचि पमाएणं, न सुट्ठ भे वट्टियं मए पुट्वि । तं भे खामेमि अहं, निस्सल्लो निक्कसाओ अ॥१३६८॥ आणंदअंसुपायं, कुणमाणा ते वि भूमिगयसीसा । खामिति जहरिहं खलु, जहारिहं खामिता तेणं ॥१३६९॥ खामिंतस्स गुणा खलु, निसल्लय विणय दीवणा मग्गे। लाघवियं एगत्तं, अपडिबंधो अजिणकप्पे ॥१३७०॥
"गणि गणहरं ठवेत्ता०"["जइ किंचि" "आणंदअंसुपाय०" "खामिंतस्स०"] । गाहाओ चत्तारि कण्ठाओ । गणी आयरिओ, सो गणहरं ठवेत्ता जिनकप्पं पडिवज्जिउकामो गणं खामेइ । जो अगणी जिणकप्पं पडिवज्जिउकामो सो न किंचि टूवेई, केवलं खामेइ । गाहासिद्धं । खामेत्ता अणुसढेि देति -
अह ते सबालवुड्डो, गच्छो साइज्ज णं अपरितंतो। एसो हु परंपरतो, तुमं पि अंते कुणसु एवं ॥१३७१॥ पुव्वपवित्तं विनयं, मा हुपमाएहिँ विणयजोगेसु । जो जेण पगारेणं, उववज्जइ तं च जाणाहि ॥१३७२॥ ओमो समराइणिओ, अप्पतरसुओ अ मा य णं तुब्भे । परिभवह तुम्ह एसो, विसेसओ संपयं पुज्जो ॥१३७३॥
"अह ते सबालवुड्डो०" ["पुव्व०" "ओमो सीहम्मि"] गाहाओ पंच तिण्णि ? कण्ठाओ। मानाहिह ओमराइणिओ समराइणिओ वा जहा मए एएसिं वद्रियं तहा तमं पि वट्टेज्जासि । एवं खामेत्ता अणुसटुिं च दाउं -
पक्खीव पत्तसहिओ, सभंडगो वच्चए निरवयक्खो। एगंतं जा तइया, तीऍ विहारो से नऽन्नासु ॥१३७४॥
