________________
५४
विसेसचुण्णि
[मासकप्पपगयं तवभावणाइ पंचिंदियाणि दंताणि जस्स वसमिति । इंदियजोग्गायरिओ, समाहिकरणाइँ कारयए ॥१३३२॥
"तवभावणाए०" गाहा । सो इंदियाइ वसे काउं जोगाई ति वा करणाणि त्ति वा एगटुं । जो इंदियस्स समाहिजोगाओ काउं सक्केइ सो इंदियजोग्गायरियो। सो इंदियस्स समाहिकरणाणि कारेइ । तवभावणा गया।
इदाणि सत्तभावणा । तत्थ गाहा -
जे वि य पुदिव निसि निग्गमेसु विसहिंसु साहसभयाइं । अहितक्करगोवाई, विसिंसु घोरे य संगामे ॥१३३३॥ "जे वि य पुट्वि०" गाहा । साहसं नाम साध्वसं अहेउकं भयं', सच्चेल्लयमेव । पासुत्ताण तुयट्ट, सोयव्वं जं च तीसु जामेसु ।
थोवं थोवं जिणइ उ, भयं च जं संभवति जत्थ ॥१३३४॥
"पासुत्ताण तुयटुं०" गाहा । जं गच्छवासीणं पासेल्लियं वा उत्ताणयं वा संपिहणयं जं च तइए जामे सोतव्वं तं जिणइ ।
पढमा उवस्सयम्मी, बिइया बाहिं तइया चउक्कम्मि ।
सुन्नघरम्मि चउत्थी, तह पंचमिया सुसाणम्मि ॥१३३५॥ "पढमा उवस्सयम्मि०" गाहा । कण्ठ्या ।
भोगजढे गंभीरे, उव्वरए कोट्ठए अलिंदे वा । तणुसाइ जागरो वा, झाणट्ठाए भयं जिणइ ॥१३३६॥ "भोगजढे०" गाहा । सत्तभावणाभाविओ सगलं जिणकप्पभरं वहति । छिक्कस्स व खइयस्स व, मूसिगमाईहिँ वा निसिचरेहिं ।
जह सहसा न वि जायइ, रोमंचुब्भेय चाडो वा ॥१३३७॥ "छिक्कस्स व०" गाहा । कण्ठ्या । चाडो नासणं । सत्तभावणा गया । सविसेसतरा बाहिं, तक्करआरक्खिसावयाईया । सुण्णघरसुसाणेसु य, सविसेसतरा भवे तिविहा ॥१३३८॥
१. भेयभयं ब ।
