________________
विसेसचुण्णि
[मासकप्पपगयं जो संजओ वि एआसु अप्पसत्थासु भावणं कुणइ ।
सो तव्विहेसु गच्छइ, सुरेसु भइओ चरणहीणो ॥१२९४॥
"जो संजओ वि०" पुव्वद्धं कण्ठ्यम् । “सुरेसु भजितो चरणविहुणो" त्ति। जो चरणविहूणो सो तविहेसु वा सुरेसु उववज्जेज्जा । नरग-तिरिक्ख-कुमाणुसेसु वा उववज्जेज्जा। एसा भयणा । तत्र कंदर्प इति प्रथमं द्वारम् । तत्थ गाहा -
कंदप्पे कुक्कुइए, दवसीले यावि हासणकरे य । विम्हाविंतो य परं, कंदप्पं भावणं कुणति ॥१२९५॥ "कंदप्पे कुक्कुइए०" गाहा । कंदप्पो नाम -
कहकहकहस्स हसणं, कंदप्पो अनिहुया य संलावा । कंदप्पकहाकहणं, कंदप्पुवएस संसा य ॥१२९६॥ "कहकहकहस्स हसणं०" गाहा । कण्ठ्या । कुक्कुइओ दुविहो–सरीरे वायाए वा । तत्थ सरीरे -
भुमनयणवयणदसणच्छदेहिँ करपादकण्णमाईहिं । तं तं करेति जह हस्सए परो अत्तणा अहसं ॥१२९७॥ "भुमनयण०" गाहा। कण्ठ्या । दसणच्छदे त्ति ओष्ठाः ।
वायाकोक्कुइओ पुण, तं जंपइ जेण हस्सए अन्नो । नाणाविहजीवरुए, कुव्वति मुहतूरए चेव ॥१२९८॥ "वायाकुक्कुइओ पुण०" गाहा । कण्ठ्या । दवसीले त्ति - भासति दुयं दुयं गच्छए अ दरिउ व्व गोविसो सरए।
सव्वहृयदुयकारी, फुट्टइ व ठिओ वि दप्पेणं ॥१२९९॥ "भासइ दुयं०" गाहा । हासणकरे त्ति - वेसवयणेहिँ हासं, जणयंतो अप्पणो परेसिं च ।
अह हासणो त्ति भन्नति, घतणो व्व छले नियच्छंतो ॥१३००॥
"वेसवयणेहिं हासं०" गाहा । कण्ठ्या । घयणो त्ति भंडो भणियं होइ । विम्हावेतो त्ति।
