________________
भासगाहा-१२९४-१३०५] पढमो उद्देसो
सुरजालमातिएहिं, तु विम्हयं कुणति तव्विहजणस्स । तेसु न विम्हयति सयं, आहट्टकुहेडएहिं च ॥१३०१॥
"सुरजालमाइएहिं उ०" गाहा । सुरजालो नाम इन्द्रजालमित्यर्थः । आहट्ट नाम पहेलियाओ। कहेड कहेडओ चेव । कंदप्पि त्ति दारं गयं ।
इदाणि देवकिब्बिसिय त्ति । तत्थ गाहा - नाणस्स केवलीणं, धम्मायरियाण सव्वसाहूणं । माई अवन्नवाई, किव्विसियं भावणं कुणइ ॥१३०२॥ [नि०] "नाणस्स केवलीणं०" दारगाहा। तत्थ नाणस्स -
काया वया य ते च्चिय, ते चेव पमाय अप्पमाया य । मोक्खाहिगारिगाणं, जोइसजोणिहिं किं च पुणो ॥१३०३॥
"काया वया य०" गाहा । छज्जीवणियाए वि छक्काया सत्थपरिणाए वि छक्काया, व्रतानि एवं चेव । प्रमादा बंभचेरेसु पमायं वन्नेत्ता अप्पमाओ वन्नेज्जइ । एवं जाव समत्तो पमाओ अप्पमाओ य, मोक्षार्थं घटितव्यमित्यर्थः । घटितव्यमिति कृत्वा किं सूत्रे ज्योतिषोपनिबन्धेन सूरपण्णत्तादिणा? तहा मोक्खाधिकारघडणुज्जयाणं किं जोणिपाहुडोपनिबंधेणं? नाण त्ति गयं । इदाणिं केवलीणं -
एगंतरमुप्पाए, अन्नोन्नावरणया दुवेण्हं पि ।
केवलदसणणाणाणमेगकाले व एगत्तं ॥१३०४॥
“एगंतरमुप्पाए०" गाहा । जं समयं जाणइ नो तं समयं पासइ । जं समयं पासइ नो तं समयं जाणइ । [ ] "अन्नोन्नावरणया दुवेण्हं पि" त्ति जया सागारोवओगो भवति तया अणागारोवओगो आवरितो भवति । जया अणागारोवओगो भवति तया सागारोवओगो आवरिओ भवइ । अहवा एगकाले ज्ञानदर्शनयोरेकत्वं भवति ।
इदाणिं धम्मायरियाणं - जच्चाईहिँ अवन्नं, भासति वट्टति न यावि उववाए।
अहितो छिद्दप्पेही, पगासवादी अणणुकूलो ॥१३०५॥ "जच्चाईहिं" गाहा । कण्ठ्या । सव्वसाहूणं ति दारं -
१. कुहेटकाः = वक्रोक्तिविशेषरूपाः मलवृ ।
