________________
भासगाहा-१२४८-१२५६] पढमो उद्देसो
अहवा वि गुरुसमीवं, उवागए देसदसणम्मि कए। उवसंपय साहूणं, होइ कयम्मी दीसाबंधे ॥१२५२॥ आयपरोभयतुलना, चउव्विहा सुत्तसारणित्तरिया । तिण्हट्ठा संविग्गे, इयरे चरणेहरा नेच्छे ॥१२५३॥ आहाराई दव्वे, उप्पाएउं सयं जइ समत्थो ।
खेत्तओं विहारजोग्गा, खेत्ता विहतारणाईया ॥१२५४॥ ["ण्हाणादि समोसरणे०" "अहवा वि०" "आयपरोभयतुलना०"] "आहाराई दव्वे०" गाहा।
कालम्मि ओममाई, भावे अतरंतमाइपाउग्गं ।
कोहाइ निग्गहं वा, जं कारण सारणा वा वि ॥१२५५॥
["कालम्मि ओममाई०"] गाहा । द्रव्यतः 'आहाराई उप्पाएउं समत्थो हं न व' त्ति आदिग्रहणात् उवहीसेज्जाओ। खेत्तओ 'उडुबद्धविहारजोग्गा खेत्ता वासावासजोग्गा य उप्पाएउं समत्थो हं न व' त्ति । विहमित्यध्वानं 'तद्विहं तारयितुं समर्थो हं न व' त्ति आदिग्रहणाद् राजदुट्ठाईसु । काले 'दुब्भिक्खे संथारेउं समत्थो हं न व' त्ति, आदिग्रहणात् असिवभयट्ठाणाईसु । भावओ 'गिलाणाणं पाओग्गं उप्पाएउं समत्थो हं न व' त्ति । अहवा 'सक्केमि कोहनिग्गहं काउं' आदिग्रहणात् माण-माया-लोभनिग्रहः । अहवा 'जं कारणमवसंपज्जंति संसारेउं समत्थो हं न व' त्ति । एस अप्पतुलणा।
इदाणि पाडिच्छयतुलणा -
आहाराइ अनियओ, लंभो सो विरसमाइ निज्जूढो । उब्भामग खुलखेत्ता, अरिउहियाओ अ वसहीओ ॥१२५६॥
"आहाराइ अणियओ०" गाहा । दव्वे आहाराईणं अनियओ लंभो तं जइ समत्था तुब्भे अहियासेउं । खेत्तओ 'उब्भामयभिक्खायरियाए गम्मइ जइ तमुच्छहह' । खुला खेत्ता नाम अप्पो लोगो भिक्खप्पदाया, थोवं दायाय चमढियगमित्यर्थः । कालओ कयायि मासकप्पवासावासटाणे ऊणं अइरित्तं कालं अच्छेज्जेज्ज । कारणे पत्ते कहिं चि खेत्ते पोरुसीए भिक्खावेला, कयाइ बीयपोरुसीए ताहे सुत्तत्थाणं हाणी । तं जइ समत्था अहियासेउं कहिं यि पुरिमड्ढे वि द्रवो णाऽऽराइज्जइ ।
१. जं कारणा मु उवसंपज्जंति तं सारेउं इति भाव्यम् ।
