________________
m
भासगाहा-१२१४-१२२१] पढमो उद्देसो
"संखाईए विभवे०" गाहा । कण्ठ्या । उवरितित्थं ति गयं । तित्थयरस्स समीवे, वक्खेवो तत्थ एवमाईहिं।
सुत्तग्गहणं ताहे, करेइ सो बारस समाओ ॥१२१८॥
"तित्थयर०" गाहा । एस तत्थ विक्खेवो । ताहे सो भणति-सव्वं वक्खेवो। इहेव पढामि । ताहे तेण बारसवरिसाणि सुत्तं गहिअं। सिक्खापदं ति दारं गयं ।
इदाणिं अत्थगहणं ति दारं । तत्थ गाहा -
सुत्तम्मि य गहियम्मी, दिटुंतो गोणसालिकरणेणं । उवभोगफला साली, सुत्तं पुण अत्थकरणफलं ॥१२१९॥
"सुत्तम्मि य गहियम्मी०" गाहाओ । सुत्ते गहिए अवस्सं तस्स अत्थो सोतव्वो । किं कारणं? तत्थ आयरिया गोणसालिकरणेहिं दिटुंतं करेंति । तत्थ गोणदिटुंतो । गोणो दिवसं हलाओ अरहट्टाओ वा मुक्को समाणो सुंदरमसुंदरं वा चार जं अरोएइ तं सव्वं चरति । अण्णस्सादेंतो रसं अविंदंतो कयगरं' उइलइ । पच्छा धाओ उवेट्ठो रोमंथेइ । तत्थ आस्सायं विंदति, अरसकएवरं च छड़ेइ । एवं सुत्ते पढिय अत्थे असुए अबुज्झमाणस्स करणं णिस्सायंतं सुत्तं भवति । अत्थे पुण सुए तस्स अत्थं बुज्झतो आयरइ, दुपएसं अभिलावा य, असोभणा छड्डेइ।
सालिदिटुंतो केरिसओ? सालिं महया परिस्समेणं णिप्फाएंतो लुणित्ता मद्दित्ता पुणित्ता य कोट्ठागारे छुभित्ता जइ तेहिं सालीहिं खज्जपेज्जोवभोगं न करेइ तो सालिसंगहो अफलो भवति । अह तेहिं सालीहिं खज्जपेज्जाइणि करेइ ता से सफलो भवति । एवं सुत्ते पढिए अत्थे असुए सुत्तं आयरणं अफलं भवति अत्थे पुण सुए आयरणं सफलं भवति । एएणं कारणेणं -
जति बारसवासाइं, सुत्तं गहियं सुणाहि से अहुणा । बारस चेव समाओ, अत्थं तो नाहिसि न वा णं ॥१२२०॥ "जइ बारसवासाइं०" गाहा । कण्ठ्या । के य गुणा भविस्संति अत्थे सुए? - सन्नाइसुत्त ससमय, परसमय उस्सग्गमेव अववाए। हीणाऽहियजिणथेरे, अज्जा काले य वयणाई ॥१२२१॥ “सन्नाइसुत्त०" गाहा । नज्जिही इमं सन्नासुत्तं जहा
१. नास्ति अ । २. अस्सायं अ ब ।
