________________
२८
विसेसचुणि
वासोदगस्स व जहा, वण्णादी होंति भायणविसेसा ।
सव्वेसि पि सभासं, जिणभासा परिणमे एवं ॥ १२०४ ॥
"वासोदगस्स व० " गाहा । जहा वरिसोदगस्स एगरस - वन्न -गंध-फरिसा जत्थ पडंति तत्थ भायणविसेसेणं पिह पिह वन्नाइणो परिणमंति एवं तेसिं आरियमणारियजाईणं अप्पणिच्चए अप्पणिच्चए सोइंदिए सेवाकरणप्पत्ते अप्पणिच्चयाए अप्पणिच्चयाए भासापरिणामेणं संसयवच्छित्तिपरिणामेण य परिणमइ ।
साधारणाऽसवत्ते, तओवओगो उगाहगगिराए ।
न य निव्विज्जइ सोया, किढिवाणियदासिआहरणा ॥ १२०५ ॥
[ मासकप्पपगयं
“साहारणाऽसवत्ते०” गाहा । साहारणासवत्ते नाम जहा खीर- खंड - गुड- सक्कराईणं एगट्ठीकाणं जारिसो अस्साओ सातं च भवति, तं अस्सायमाणस्स एरिसं सायं भवति, तं वाणि सुणमाणस्स भवति । जओ य परिसासयं भवति, ततो य तम्मि चेव एगम्मि उवओगो भवति । एएण चेव गुणेणं सा गिरा गाहगी भवति । जओ य एरिसो गुणो तओ य ण[णि] वि[व्वि]ज्जति सोता दिट्टंतो
एगस्स वाणियगस्स एक्का कढिदासी । कढी नाम थेरी । सा गोसे कट्ठाणं गया । तण्हाछुहाकिलंता मज्झण्हे आगया । 'अइथोवा कट्ठा आणिय'त्ति पिट्टित्ता अजिमितपीया पुणो पट्ठविया । सा य वड्डुं कट्ठभारं गेण्हित्ता ओगाहंतीए पोरुसीए आगच्छंतीए कट्ठभाराओ कट्टं पडियं । को य कालो ? जेट्ठामूलमासो । अह ताए थेरीए ओनमित्ता तं कट्टं गहियं । तस्समयं च भगवं तित्थगरो धम्मं पकहिओ, जोयणणीहारिणा सरेणं । सा थेरी तं सद्दं सुणेंती तहेव ओणया सोतुमाढत्ता उण्हं तण्हं छुहं परिस्समं च ण विंदति जाव सूरत्थमणे तित्थगरो धम्मं कहेउं उट्ठितो । एसट्टिंत । एवं
-
सव्वाउयं पि सोया, झविज्ज जइ हु सययं जिणो कहए । सीउण्हखुप्पिवासापरिस्समभए अविगणितो ॥ १२०६॥
" सव्वाउयं पि० " गाहा । कण्ठ्या । सोयपरिणामे त्ति दारं गयं ।
इदाणिं दाणं ति दारं । तित्थगरो जत्थ समोसरति गामादिसु तत्थ जो निवेदेति रायादीणं, तस्स का वित्ती किंवा पीइदाणं ? एत्थ गाहाओ
-
