________________
२७
भासगाहा-११९६-१२०३] पढमो उद्देसो जे अन्ने प्रकारा तेसिं पि अणुत्तरा उदया। खओवसमियं जारिसो तित्थगरस्स सद्दो तारिसो न वि अण्णस्स, एवं गंधो, रसो, फासो, खओवसमिया भावा । एवं क्षायिके भावे अविकप्पं आहंसु । खओवसमियं भावं प्रतीत्य अणंतगुणाभ्यधिकमित्यर्थः । आह-जाओ खाइए भावे वटुंतस्स जहा-अस्सायावेयणिज्जा, आइग्गहणेणं जाओ-नामस्स अप्पसत्थाओ ताओ तस्स किह न बाधाकारीओ भवंति ? उच्यते -
अस्सायमाइयाओ, जा वि य असुहा हवंति पगडीओ। निंबरसलवु व्व पए, न होंति ता असुहया तस्स ॥१२००॥
"अस्साय०" गाहा । कण्ठ्या । आह-जइ तित्थगरो रूपवं? किं तो सुंदरं? अह जइ विरूवो ? उच्यते-जइ रूपवंतो सुंदरं कहं ? उच्यते -
धम्मोयओ३ रूवं, करेंति रूवस्सिणो वि जइ धम्मं ।
गज्झवओ य सुरूवो, पसंसिमो रूवमेवं तु ॥१२०१॥
"धम्मोदयओ०" गाहा। धम्मस्स उदएणं कम्मपगडीओ रूवं करेंति । तेणं धम्मेणं सुभाओ जाओ । ताओ उदयं दिति । सेसं उच्चारियसिद्धं । रूवं पुच्छ त्ति गयं । इदाणि 'वागरण'४ त्ति दारं । तत्थ भगवं सव्वेसिं देवमणुस्सतिरियाणं आरियमणारियाणं एगवागरणेणं सव्वसंसए छिंदई । जइ पुण एक्केक्कस्स एक्केक्कयं संसयं परिवाडीए छिदेज्ज तो को दोसो होज्ज? उच्यते -
कालेण असंखेण वि, संखाईयाण संसईणं तु ।
मा संसयवोच्छित्ती, न होज्ज कमवागरणदोसा ॥१२०२॥
"कालेण असंखेण वि०" गाहा उच्चारियसिद्धा । आह-एक्के वागरणे के गुणा ? उच्यते -
सव्वत्थ अविसमत्तं, रिद्धिविसेसो अकालहरणं च । सव्वन्नुपच्चओ वि य, अचिंतगुणभूइओ जुगवं ॥१२०३॥
"सव्वत्थ०" गाहा उच्चारितसिद्धा । आह – कहं तेसिं सव्वेसिं तो एगवागरणो अविसमत्तं संसए छिंदइ सभासाए य परिणामेइ ? एएणाभिसंबंधेणं सोयपरिणामे त्ति दारं पत्तं । तत्थ गाहा -
१. माहंसु अ ब । २. खए अ। ३. धम्मोदएण मुच। ४. वागरिणि अ। ५. छिंदए ब ।
