________________
विसेसचुण्णि
[मासकप्पपगयं इदाणि रूव पुच्छ त्ति दारं । केरिसयं भगवओ रूवं? एस पुच्छा । उच्यते -
सव्वसुरा जइ रूवं, अंगुटुपमाणयं विउव्विज्जा। जिणपायंगुटुं पइ, न सोहए तं जहिंगालो ॥११९६॥ "सव्वसुरा जइ रूवं०" गाहा । कण्ठ्या । गणहर आहार अणुत्तरा य जाव वणचक्किवासुबला। मंडलिया जा हीणा, छट्ठाणगया भवे सेसा ॥११९७॥
"गणहर आहारए०" गाहा । जं तित्थगरस्स रूवं, तओ अणंतगुणपरिहीणं गणहराणं, जं गणहराणं रूवं, तओ अणंतगुणपरिहीणं आहारयसरीरस्स । तओ अणंतगुणहीणं अणत्तरोववाइयाणं देवाणं, तओ अणंतगणपरिहीणं उवरिमगेवेज्जयाणं । एवं जाव सोहम्मयाणं भवणवासियाणं । तओ अनंतगुणपरिहीणं जोइसियाणं । 'वंतरि'४ त्ति । वाणमंतरेहितो अणंतगुणपरिहीणा चक्कवट्टी, तओ महावासुदेवा, तओ बलदेवा, तओ मंडलिया। सेसा रायाणो परप्परं छट्ठाणगया ।
संघयण रूव संठाण वन्न गड सत्त सार ऊसासा। "एमाइऽणुत्तराई, हवंति नामोदया तस्स ॥११९८॥
"संघयण०" गाहा । भगवओ अणुत्तरं संघयणं, अणुत्तरं रूवं, अणुत्तरं संठाणं, अणुत्तरो वण्णो, अणुत्तरा गई, अणुत्तरं सारं । सारो दुविहो-बाह्योऽभ्यन्तरश्च । बाहिरो गुरुत्वं, अभितरो नाण-दसण-चरित्तं । अणुत्तरो उस्सानिस्सासगंधो आइगहणेणं गोखीरपंडरं मंससोणियं । आहएवमाईया अणुत्तरा कस्स कम्मस्स उदएणं ? उच्यते-एमाइऽणुत्तराई हवंति नामोदया तस्स । आह-अण्णासिं कम्मपगडीणं णामस्स कस्स जे पसत्था उदया, जहा-इंदिया, सरीरं, अंगा एवमादि । जाओ खइए भावे वट्टमाणस्स खओवसमिए वा, छउमत्थकाले त्ति भणियं होइ । किं न होंति अणुत्तरा उदया ? उच्यते -
पगडीणं अन्नासऽवि, पसत्थ उदया अणुत्तरा होंति ।
खय उवसमे वि य तहा, खयम्मि अविगप्पमाहंस ॥११९९॥ "पगडीणं०" गाहा । जे एयाए पुरिल्लगाहाए नामस्स प्रकारा न गहिया । तस्सेव नामस्स
१. केरिसओ अ। २. आहार मुच । ३. नास्ति अ। ४. नास्ति भाष्ये । वाचनान्तरमिदं भविष्यति । ५. एमादि मुच।
