________________
२४ विसेसचुण्णि
[मासकप्पपगयं करित्ता दाहिणपच्छत्थिमेणं ठायंति । भवणवासिणीओ पुरओ, तासिं पिट्ठओ जोइसिणीओ, तासिं पिट्ठओ वाणमंतरीओ । भवणवासी देवा, जोइसिया देवा, वंतरा देवा एए अवरदारेणं पविसित्ता तित्थगरस्स उत्तरपच्छत्थिमेणं ठायंति यथासंख्यं पिट्ठओ । पिट्ठओ वेमाणिया देवा मणुस्सा मणुस्सिओ य उत्तरेणं दारेणं पविसित्ता उत्तरपुरस्थिमेणं ठायंति यथासंख्यं पिट्ठओ। जं च निस्साए त्ति पच्छा भणीहिति ।
एक्केक्कीएँ दिसाए, तिगं तिगं होइ सन्निविटुं तु ।
आइचरिमे विमिस्सा, थीपुरिसा सेस पत्तेयं ॥११८८॥
"एक्केक्कीय दिसाए०" गाहा । तियं अइसेसीसंजया एक्कं, वेमाणियदेवीओ, समणीओ एयं तियं भगवओ दाहिणपुरत्थिमेणं सन्निविट्ठा । भवणवासिणीओ, वंतरीओ, जोइसिणीओ एयं तियं भगवओ दाहिणपच्चत्थिमेणं सन्निविटुं । भवणवइ-वाणमंतर-जोइसिया {पुरिसा} एयं तियं भगवओ उत्तरपच्चत्थिमेणं सन्निविटुं । वेमाणियदेवा मणुस्सा मणुस्सीओ य एयं तियं भगवओ उत्तरपुरस्थिमेणं सन्निविटुं। आयेल्ले य तिए चरिमे य तिए पुरिसा इत्थीओ य । मज्झिल्लेहिं दोहिं तिएहिं पुरिसा इत्थीओ य अमिस्सा । सव्वेसिं देवाणं इमा मज्जाया -
एतं? महिड्डिअं पणिवयंति ठियमवि वयंति पणमंता । न वि जंतणा न विकहा, न परोप्परमच्छरो न भयं ॥११८९॥ "एतं महिड्डियं०" गाहा । कण्ठ्या । आह–पागाराणं अंतरेसु को ठाइ ? उच्यते - बितियम्मि होति तिरिया, तइए पागारमंतरे जाणा। पागारजढे तिरिया, वि होंति पत्तेय मिस्सा वा ॥११९०॥
"बीयम्मि होति तिरिया०" गाहा । कण्ठ्या । सव्वबाहिं पागाराणं तिरिया वा होज्ज मणूसा वा देवा वा एक्कया वा मिस्सा वा । जं तं हेट्ठा भणियं - जं च निस्साए पच्छा भण्णिहिन्नि, तं इयाणि भण्णइ-एवं सन्निविट्ठो समोसरणे भगवं धम्मं कहेइ न कहेइ ? उच्यतेकहेइ । कहितो वा किं निस्साए कहेइ ? उच्यते -
सव्वं व देसविरई, सम्मं घेच्छइ व होइ कहणा उ। इहरा अमूढलक्खो , न कहेइ भविस्सइ न तं च ॥११९१॥
"सव्वं व०" गाहा । सिद्धा । कहं पुण न भविस्सइ एस भावो जन्न पडिवज्जिहिंति चउण्हं सामाइयाणं? उच्यते -
१. इंतं मुच ।
