Kappasuttam Vhas Vises Chunni Sahiyam Part 01

SR No.: 007786
Original Sutra Author: Bhadrabahuswami, Sanghdasgani Kshamashraman
Publisher: Shubhabhilasha Trust
Publication Year: 2016
Total Pages: 504
Language: Prakrit
Classification: Book_Devnagari & agam_bruhatkalpa
File Size: 3 MB

Page 104

२२
भासगाहा-११८०-११८७] पढमो उद्देसो
जे ते देवेहिँ कया, तिदिसिं पडिरूवगा जिणवरस्स ।
तेसि पि तप्पभावा, तयाणुरूवं हवइ रूवं ॥११८४॥
"आयाहिण०" ["जे ते देवेहिं"१] गाहा । चेइयरुक्खस्स अणुपयाहिणी करेत्ता पुरत्थाभिमुहो निसीयइ । जओ भगवओ मुहं न भवइ ताहिं तिहिं तिहिं दिसाहिं देवा पडिरूवया विउव्वंति जहा सव्वो जाणइ मम सपडिहुत्तो त्ति । भगवओ य पायमूलं जहण्णेणं एक्केणं गणहरेणं अविरहियं अवस्स भवियव्वं । सो पुण जेट्ठो वा अन्नो वा । पाएणं जेट्ठो भवति ।
तित्थाइसेससंजय, देवी वेमाणियाण समणीओ। भवणवइवाणमंतरजोतिसियाणं च देवीओ ॥११८५॥ केवलिणो तिउण जिणं, तित्थपणामं च मग्गओ तस्स । मणमाई वि नमंता, वयंति सट्ठाण सट्टाणं ॥११८६॥ भवणवई जोइसिया, बोधव्वा वाणमंतरसुरा य। वेमाणिया य मणुया, पयाहिणं जं च निस्साए ॥११८७॥
"तित्थाइसेस०" ["केवलिणो०" "भवणवई०"] गाहा । जो तित्थं सो पुव्वदारेणं पविसित्ता तित्थगरं तिक्खुत्तो वंदित्ता दाहिणपुरत्थिमे दिसीभाए निसीयइ । सेसा गणहरा एवं चेव । नवरं तित्थकरं आयाहिणं करेत्ता तित्थस्स पणामं काउं 'नमो तित्थस्स' त्ति [भणित्ता] तित्थस्स मग्गओ पासे से निसीयंति । जे केवलिणो ते पुरत्थिमेणं दारेणं पविसित्ता भगवं आयाहिणं करेत्ता३ 'नमो तित्थस्स' त्ति भणित्ता तित्थस्स गणहराण य पिट्टओ निसीयंति । जे अवसेसा अइसेसिया मणपज्जवनाणाई खेलोसहिपत्ताई ते पुरत्थिमेणं दारेणं पविसित्ता भगवं पयाहिणं करेत्ता 'नमो तित्थस्स नमो गणहराणं नमो केवलीणं' त्ति भणित्ता केवलीणं पिट्ठओ निसीयंति । अवसेसा संजया निरइसेसिया पुरत्थिमेणं चेव दारेणं पविसित्ता भगवं आयाहिणं करेत्ता 'नमो तित्थस्स नमो गणहराणं नमो केवलीणं नमो अइसेसियाणं' ति भणित्ता अइसेसियाणं पिट्ठओ निसीयंति । वेमाणियाणं देवीओ पुरत्थिमेणं चेव दारेणं पविसित्ता भगवंतं आयाहिणं करेत्ता 'नमो तित्थस्स नमो साहूणं'ति भणित्ता निरइसेसियाणं पिट्ठओ ठायंति न निसीयंति । समणीओ पुरत्थिमेणं चेव दारेणं पविसित्ता तित्थगरं पयाहिणं करेत्ता 'नमो तित्थस्स नमो अइसेसियाणं नमो साहूणं' ति भणित्ता वेमाणियदेवीणं पिट्ठओ ठायंति, न निसीयंति । भवणवासिणीओ वंतरीओ जोइसणीओ य एयाओ दाहिणदारेणं पविसित्ता तित्थगरं पयाहिणं
१. यद्यपि गाथेयं चूर्णी नादृता परन्तु वृत्त्या सह गाथाक्रमस्य साम्यत्वापादनार्थमेवात्र न्यस्ता । एवमग्रेऽपि सर्वत्र ज्ञातव्यम् । २. पढमगणहरो । ३. आयाहिणं करेत्ता नास्ति ब ।