________________
२२ विसेसचुण्णि
[मासकप्पपगयं "मणिरयण" गाहा । अभितरिल्लस्स मणिमयकविसीसया, मज्झिल्लस्स रययामया कविसीसया, बाहिरिल्लस्स हेममया । हेमं = सुवण्णं । सव्वरयणामया दारा । तेसिं पागारं तिण्ह वि सव्वरयणामया चेव तोरणा। पडाइगाईएहि य विभूसिया। अभितरपागारस्स बहुमज्झदेसभाए चेइयरुक्खो । तस्स हेट्ठा पेढं भवति रयणामयं । तस्स पेढस्स उवरं चेइयरुक्खस्स हेट्ठो देवच्छंदओ भवति । तस्स पेढस्स उवरि सीहासणं भवति । एयाणि को करेइ ? उच्यते -
चेइयदुम पेढ छंदग, आसण छत्तं च चामराओ य । जं चऽन्नं करणिज्जं, करिति तं वाणमंतरिया ॥११८०॥ "चेइयदुम०" गाहा । छत्तं पिट्ठओ धरिज्जइ । अट्ठस्स चामराओ दो देवा धरैति । साहारण ओसरणे, एवं जत्थिड्डिमं तु ओसरई।।
एक्को च्चिय तं सव्वं, करेइ भयणा उ इतरेसिं ॥११८१॥
"साहारण ओसरणे०" गाहा । जत्थ बहवे देवा एंति इंदा वा बहवे तत्थ एवं करेंति । जत्थ पुण एक्को वि महिड्डीओ देवो एइ तत्थ एक्को चेव एयाणि सव्वाणि करेइ । “भयणाओ सेसे२" त्ति । जइ इंदा न एंति तो भवणवासिणाइणो करेंति वा न वा । चाउक्कोणा तिन्नि पागारा रइज्जंति चउद्दारा । अब्भितरल्लो लोहियएहिं अक्खेहिं, मज्झिल्लो पीयएहिं, बाहिरिल्लो सेयएहिं । सव्वो समोसरणभोगो जोयणं । अभितरमज्झिमाणं पागाराणं अंतरं जोयणं । मज्झिमबाहिराणं पागारं अंतरं गाउयं । सामिणो सीहासणस्स पुरओ धम्मचक्कं कीरइ । सव्वं अक्खेहिं दाइज्जइ ।
सूरुदय पच्छिमाए, ओगाहितीऍ पुव्वओ एति । दोहिँ पउमेहिँ पाया, मग्गेण य होंति सत्तऽन्ने ॥११८२॥
"सूरुदय०" गाहा । तत्थ भगवं सूरोदयस्स जा पच्छिल्ला पोरुसी तीए ओगाहंतीए आगंतूणं "पुव्वउ''त्ति पुरत्थिमेणं दारेणं पविसित्ता, असोगवरपायवस्स अहे, सीहासणंसि पुरत्थाभिमुहे निसीदति । जत्थ भगवं एंतो पादे ठवेइ तत्थ सहस्सपत्ता पउमा भवंति पिट्ठओ य सत्त पउमा दीसंति । जाहे पाए अन्नत्थ साहरइ ताहे तेसिं मग्गिल्लाणं दोऽण्णस्सेंति जहिं ठवितेल्लया पाया तेहिं दोहिं सत्त पूरेति ।
आयाहिण पुव्वमुहो, तिदिसिं पडिरूवया य देवकया । जेट्ठगणी अन्नो वा, दाहिणपुव्वे अदूरम्मि ॥११८३॥
१. अद्धेट्ठ ब । ? २. इयरेसिं मुच ।
