________________
विसेसचुण्णि
[मासकप्पपगयं जं अण्णाणी कम्म, खवेइ बहुयाहिँ वासकोडीहिं । तं नाणी तिहिं गुत्तो, खवेइ ऊसासमेत्तेण ॥११७०॥
"जं अण्णाणी कम्मं खवेइ ०" गाहा । कण्ठ्या । परदेसियत्तं कहं भवति ? उच्यतेसो पढितो अण्णे गाहेइ त्ति । आह–को गुणो परदेसियत्ते ? उच्यते -
आतपरसमुत्तारो, आणा वच्छल्ल दीवणा भत्ती। होति परदेसियत्ते, अव्वोच्छित्ती य तित्थस्स ॥११७१॥
"आयपरसमुत्तारो०" गाहा । सो अण्णे साहुणो पाढेतो अप्पाणं परं च संसाराओ उत्तारेइ । कहं पुण पाढेतो अन्ने? अप्पणो णाणंतराइयं हणइ ? अण्णे साधुणो पाढिया णाणोवएसेण संसाराओ अप्पाणं उत्तारेंति । एवं करेंतेणं तित्थगराणं आणा कया भवति । पाटेंतेणं वच्छल्लं कयमेव भवति । 'दीवणा' सुयणाणं दीवितं प्रभावितं भवति । एवं करेंतेणं परदेसियत्तं कयं भवति । तित्थस्स य अव्वोच्छित्ती कया भवति ।
जिणकप्पिएण पगयं, जिणकाले सो उ केवलीणं वा। सो भणइ एव भणितो, कत्थ अहीयं भयंतेहिं ॥११७२॥ अंतरमणंतरे वा, इति उदिए धूलिनायमाहंसु। चिक्खल्लेण य नायं, तम्हा उ वयामि जिणमूलं ॥११७३॥
"जिणकप्पिएण." ["अंतरमणंतर०"] गाहा । एत्थ जिणकप्पिएण अहिगारो । सो य नियमा जिणकाले वा होज्ज, अण्णेसिं वा केवलीणं । सो य सिस्सो एवमाईहिं दिटुंतेहिं पण्णवितो भणइ-'पढामि'३ णवरं अक्खाह, कहिं तुब्भेहिं अज्झाइयं? जम्हा सो जिणकप्पिओ जिणकाले वा केवलिकाले वा भवति । अओ सो आयरिओ भणेज्ज - अंतरे वा अणंतरे वा। अंतरे नाम जइ गणहरसिस्सो आरेण वा तो अंतरिअं अक्खायं होज्ज । अह गणधरो चेव सो, तो अणंतरियं जिणसगासे। तत्थ सीसो धूलीए चिक्खल्लेण य दिदंतं करेइ । जहा-धली एगत्थ ठवेत्ता तओ उक्खिवित्ता अन्नत्थ जत्थोयारिज्जइ, अवस्स तत्थ किंचि परिसडइ चिक्खल्लो वा । जहा पासाए लिप्पमाणे, जे परंपरएणं मणूसा पणामिति, तओ बहुत्ते परिसडिए अंतिल्लस्स पावति । एवं चेव सुत्तत्थाणि वि परंपरएणं घेप्पमाणाणि परिसडंति । तम्हा जिणसगासं चेव जामि । तत्थ अविणटुं भविस्सइ । केहिं पुण तं परिसडइ ? उच्यते -
१. अन्नो अ । २. णामंतराइयं अ । ३. भणामि अ ।
