________________
भासगाहा-११६२-११६९] पढमो उद्देसो
आतहितमजाणतो, मुज्झति मूढो समादिअति कम्मं । कम्मेण तेण जंतू, परीति भवसागरमणंतं ॥११६३॥ "आयहियमयाणंतो०" गाहा । कण्ठ्या । आयहिए पुण नाए इमे गुणा भवंति -
आतहितं जाणंतो, अहियनिवत्तीऍ हियपवित्तीए । हवइ जतो सो तम्हा, आतहियं आगमेयव्वं ॥११६४॥ "आयहियं जाणंतो०" गाहा । कण्ठ्या । परिन्ना कहं भवति ? उच्यते -
सज्झायं जाणंतो पंचिंदियसंवुडो तिगुत्तो य। होइ य एक्कग्गमणो, विणएण समाहिओ साहू ॥११६५॥ "सज्झायं जाणंतो०" गाहा । कण्ठ्या । भावसंवरो कहं भवति ? उच्यते - नाणेण सव्वभावा, नज्जंते जे जहिं जिणक्खाया। नाणी चरित्तगुत्तो, भावेण उ संवरो होइ ॥११६६॥ "नाणेण सव्वभाव०" गाहा । कण्ठ्या । नवनवो य संवेगो कहं भवति ? उच्यते -
जह जह सुयमोगाहइ, अइसयरसपसरसंजुयमपुव्वं । तह तह पल्हाइ मुणी, नवनवसंवेगसद्धाओ ॥११६७॥
"जह जह सुयमोगाहइ०" गाहा । कण्ठ्या । अइसयरसं अस्सादितस्स अप्पुव्वे सुत्तत्थे सुयक्खंधेसु घेतव्वेसु पसंगो जायति । निक्कंपया कहं भवति ? उच्यते -
णाणाणत्तीऍ पुणो, दंसणतवनियमसंजमे ठिच्चा। विहरड् विसुज्झमाणो, जावज्जीवं पि निक्कंपो ॥११६८॥
"णाणाणत्तीय पुणो०" गाहा । कण्ठ्या । ज्ञानस्याज्ञा नाणत्ती । तवो कहं भवति? उच्यते -
बारसविहम्मि वि तवे, सब्भितरबाहिरे कुसलदिढे। न वि अत्थि न वि अ होही, सज्झायसमं तवोकम्मं ॥११६९॥ "बारसविहम्मि वि तवे०" गाहा । कण्ठ्या । निज्जरा कहं भवति ? उच्यते -
१. नाणे अ ब । २. = आज्ञप्तिः इत्यर्थः मलवृ ।
