________________
चिंतेज्जा मोहम्मी ओहेणं ताव वत्थुणो ततं । उप्पाय-वय धुवजुंय अणुहवजुतीए सम्म ति ||७१।। नाभावो च्चिय भावो अतिप्पसंगेण जुज्जइ कयाइ । ण य भावोऽभावो खलु तहासहावतऽभावाओ ||७२।। एयस्स उ भावाओ णिविति - अणुवित्तिजोगओ होति । उप्पायादी णेवं अविगारी वऽणुहवविरोहा ||७३।। आणाए चिंतणम्मी ततावगमो णिओगओ होति । भावगुणागरबहुमाणओ य कम्मक्खओ परमो ||७४।। पइरिक्के वाघाओ न होइ पाएण योगवसिया य । जायइ तहापसत्था हंदि अणब्भत्थजोगाणं ||७५।। उवओगो पुण पत्थं विण्णेओ जो समीवजोगो ति । विहियकिरियागओ खलु अवितहभावो उ सव्वत्थ ||७६|| एवं अब्भासाओ ततं परिणमइ चित्तथेज्जं च । जायइ भवाणुगामी सिवसुहसंसाहगं परमं ।।७७।। अहवा ओहेणं चिय भणियविहाणाओ चेव भावेज्जा । सत्ताइएसु मेताइए गुणे परमसंविग्गो ||७८।। सत्तेसु ताव मेत्तिं, तहा पमोयं गुणाहिएK ति । करुणा - मज्झत्थत्ते किलिस्समाणाऽविणेएसु ।।७९|| एसो चेवेत्थ कमो उचियपवित्तीए वण्णिआ साहू | इहराऽसमंजसत्तं तहातहाऽठाणविणिओया ||८०|| साहारणो पुण विही सुक्काहारो इमस्स विण्णेओ । अण्णत्थओ य एसो उ सव्वसंपकरी भिक्खा ||८१।। वणलेवोमवम्मेणं उचियतं तग्गयं निओएणं । एत्थं अवेक्खियव्वं, इहराऽयोगो ति दोसफलो ।।८।।
