________________
जोगाणुभावओ च्चिय पायं ण य सोहणस्स वि अलाभो । लद्धीण वि संपत्ती इमस्स जं वण्णिया समए ||८३ || रयणाई लद्धीओ अणिमादीयाओ तह य चित्ताओ | आमोसाइयाओ तहातहायोगबुडढिए || ८४॥
एतीए एस जुत्तो सम्मं असुहस्स खवग मो णेओ । इअरस्स बंधगो तह सुहेणमिय मोक्खगामि ति ||८५ || कायकिरियाए दोसा खविया मंडुक्कचुण्णतुल्ल ति । ते चेव भावणाए नेया तच्छारसरिस त्ति ||८६|| एवं पुणं पि दुहा मिम्मय - कणयकलसोवमंभणिय | अहि वि इह मग्गे नामविवज्जासभेएणं ||८७ || तह कायपाइणो ण पुण चित्तमहिकिच्च बोहिसत्त ति । होंति तहभावणाओ आसययोगेण सुद्धाओ ||८|| एमाइ जहोइयभावणाविसेसाठ जुज्जए सव्वं । मुक्काहिनिवेसं खलु निरुवियव्वं सबुद्धीए ||८९ एएण पगारेणं जायइ सामाइयस्स सुद्धि त्ति । तत्तो सुक्कज्झाणं, कमेण तह केवलं चेव ||१०|| वासी-चंदणकप्पं तु एत्थ सिट्ठअओ च्चिय बुहेहिं । आसयरयणं भणियं, अओऽण्णहा ईसि दोसो वि ।। ९९ ।। जड़ तब्भवेण जायइ जोगसमत्ती अजोगयाए तओ । जम्मादिदोसरहिया होड़ सदेगंतसिद्धि त्ति ||१२|| असमत्तीय उ चित्तेसु एत्थ ठाणेसु होइ उप्पाओ | तत्थ वि य तयणुबंधो तस्स तहऽब्भासओ चेव ||१३|| जह खलु दिवसऽब्भत्थं रातीए सुविणयम्मि पेच्छति । तह इहजम्मऽब्भत्थं सेवंति भवंतरे जीवा ||१४||
