________________
तत्थाभिस्संगो खलु रोगो, अप्पीइलक्खणो दोसो । अण्णाणं पुण मोहो, को पीडइ मं दढमिमेसि ? ||५९|| णाऊण ततो तव्यिसयतत-परिणइ-विवागदोसे ति । चितेज्जाऽऽणाए दढं परिक्के सम्ममुवउत्तो ||६०।। गुरु-देवयापणांम काउं परमासणाइठाणेण । दंस-मसगाइ काए अगणेतो तग्गयऽज्झप्पो ||१|| गुरु-देवयाहि जायइ अणुग्गहो, अहिगयस्स तो सिद्धी । एसो य तन्निमितो तहाऽऽयभावाओ विण्णेओ ||६२।। जह चेव मंत-रयणाइएहिं विहिसेवगस्स भव्वस्स । उवगाराभावम्मि वि तेसिं होइ ति तह एसो ||६३|| ठाणा कायनिरोहो तक्कारीसु बह्माणभावो य । दंसादिअगणणम्मि वि वीरियजोगो य इट्ठफलो ।।६४।। तग्गयचित्तस्स तहोवओगओ ततभासणं होति । एयं ए त्थ पहाणं अंगं खलु इट्ठसिद्धिए ||६५।। एयं खु ततणाणं असप्पवितिविणिवित्तिसंजणगं । थिरचित्तगारि लोगदुगसाहगं वे ति समयण्णू ।।६६।। थीरागम्मी ततं तासिं चिंतेज्ज सम्मबुद्धीए । कलमलग - मंस - सोणिय - पुरीस - कंकालपायं ति ।।६७।। रोग-जरापरिणामं णरगादिविवागसंगयं अहवा । चलरागपरिणतिं जीयनासणविवागदोसं ति ||६८।। अत्थे रागम्मि उ अज्जणाइदुक्खसयसंकुलं ततं । गमणपरिणामजुत्तं कुगइविवागं च चिंतेज्जा ||६९।। दोसम्मि 3 जीवाणं विभण्णयं एव पोग्गलाणं च । अणवट्ठियं परिणतिं विवागदोसं च परलोए ||७०।।
