________________
सरणं भए उवाओ, रोगे किरिया, विसम्मि मंतो त्ति | एए वि पावकम्मोवक्कमभेया उ तत्तेणं ॥ ४७॥
सरणं गुरु उ इत्थं, किरिया उ तवो त्ति कम्मरोगम्मि । मंतो पुण सज्झाओ मोहविसविणासणो पयडो ||४८ ||
एएस जत्तकरणा तस्सोवक्कमणभावओ पायं । नो होइ पच्चवाओ, अवि य गुणो, एस परमत्थो || ४९||
चउसरणगमण दुक्कडगरहा सुकडाणुमोयणा चेव । एस गणो अणवरंय कायव्वो कुसलहेउ ति ||५०|| घडमाण पवत्ताणं जोगीणं जोगसाहणोवाओ । एसो पहाणतरओ णवर पवत्तस्स विण्णेओ || ५१|| भावणसुयपाढो तित्थसवणमसतिं तयत्थजाणम्मि | तत्तो य आयपेहणमतिनिउणं दोसवेक्खा || ५२ || रागो दोसो मोहो एए एत्थाऽऽयदूसणा दोसा । कम्मोदयसंजणिया विण्णेया आयपरिणामा ||५३ || कम्मं च चित्तपोग्गलरूवं जीवस्सऽणाइसंबद्धं । मिच्छत्तादिनिमित्तं णाएणमतीयकालसमं ||५४ ||
अणुभूयवत्तमाणो सव्वो वेसो पवाहओऽणादी । जह तह कम्मं णेयं, कयकत्तं वत्तमाणसमं ||५५ ||
मुत्तेममुत्तिमओ उवधायाऽणुग्गहा वि जुज्जंति । जह विण्णाणस्स इहं महरापाणोसहांदीहिं ||५६|| एवमणादी एसो संबंधो कंचणोवलाणं व । यामुवाणं तह वि विओगो वि हवइ त्ति ||१७||
एवं तु बंध- मोक्खा विणोवयारेण दो वि जुज्जति । सुह- दुखाई यदिट्ठा, इहरा ण, कयं पसंगेण || ५८ ||
