________________
संवरणिविच्छङतं सुछुज्जीवणं सुपरिसुद्धं । विहिसज्झाओ मरणादवेक्खणं जइजणुवएसो ||३५||
उव सोऽविसयम्मी विसए वि अणीइसो अणुवएसो । बंधनिमित्तं णियमा जहोइओ पुण भवे जोगो ||३६|| गुरु अजोगिजोगो अच्चंतविवागदारुणो णेओ । जोगिगुणहीलणा णट्ठणासणा घ म्मलाघवओ ||३७|| एयममि परिणयम्मि पवत्तमाणस्स अहिगठाणेसु । एस विही अइणिउणं पायं साहारणो णेओ ||३८|| निययसहावालोयण जणवायावगम - जोगसुद्धीहिं । उचियत्तं णाऊणं निमित्तओ सइ पयट्टेज्जा ||३९|| गमणाइएहिं कायं णिरवज्जेहिं, वयं च भणिएहिं । सुहचिंतणेहिं यमणं, सोहेज्जा जोगसुद्धि ति ||४०||
सुहसंठाणा अण्णे कायं, वायं च सुहसरेणं तु । सुहसुविणेहिं च मळं, जाणेज्जा साहु सुद्धि त्ति ।।४१।। एत्थ उवाओ य इमो सुहदव्वाइसमवायमासज्ज । पडिवज्जइ गुणठाणं सुगुरुसमीवम्मि विहिणा तु ||४२||
वंदनमाई 3 विही णिमित्तसुद्धी पहाण मो णेओ । सम्मं अवेक्खियव्या एसा, इह रा विही ण भवे ||४३|| उड्ढं अहिगगुणेहिं तुल्लगुणेहिं च णिच्च संवासो । तग्गुणठाणोचियकिरियपालणास समाउत्तो ||४४|| उत्तरगुणबहुमाणो सम्मं भवरूवचिंतणं चित्तं । अरईप अहिगयगुणे तहा तहा जत्तकरणं तु ||४५ || अकुसलकम्मोदयपुव्वरूवमेसा जओ समक्खाया । सो पुण उवायसज्झो पाएण भयाइसु पसिद्धो ||४६ ||
