________________
एएसि पि य पायं बज्झाणायोगओ उ उचियम्मि । अणुठाणम्मि पवित्ती जायइ तहसुपरिसुद्ध ति ।।२३। । गुरुणा लिंगेहिं तओ एएसिं भूमिगं मुणेऊण । उवएसो दायव्यो जहोचिंय ओसहाऽऽहरणा ।।२४।। पढमस्स लोगधम्मे परपीडावज्जणाइ ओहेणं । गुरु-देवा-ऽतिहिपूयाइ दीणदाणाइ अहिगिच्च ।।२५।। एवं चिय अवयारो जायइ मग्गम्मि हंदि एयस्स । रण्णे पहपब्भट्ठोऽवट्टाए वट्टमोयरइ ।।२६।। बीयस्स 3 लोगुत्तरधम्मम्मि अणुव्वयाइ अहिगिच्च । परिसुद्धाणायोगा तस्स तहाभावमासज्ज ||२७।। तस्साऽऽसण्णतणओ तम्मि दढं पक्खवायजोगाओ । सिग्धं परिणामाओ सम्मं परिपालणाओ य ।।२८।। तइयस्स पुण विचित्तो तहुत्तरसुजोगसाहगो णेओ । सामाइयाइविसओ णयणिठणं भावसारो ति ।।२९।। सद्धम्माणुवरोहा वित्ती दाणं च तेण सुविसुद्धं । जिणपूय - भोयणविही संझाणियमो य जोगंतो ||३०|| चिइवंदण जइविस्सामणा य सवणं च धम्मविसयं ति । गिहिणो इमो वि जोगो, किं पुण जो भावणामग्गो ? ||३१|| एमाइवत्थुविसओ गिहीण उवएस मो मुणेयव्यो । जइणो उण उवएसो सामायारी जहा सव्वा ||३२|| गुरुकुलवासो गुरुतंतयाय उचियविणयस्स करणं च । वसहीपमज्जणाइसु जतो तहकालवेक्खा ||३३।। अणिगृहणा बलम्मी सव्वत्थ पवत्तणं पसंतीए । नियलामचितणं सइ अणुग्गहो मे ति गुरुवयणे ।।३४।।
