________________
૧૫૧
આત્માનુશાસન गुणभद्रभदन्तानां कृतिरात्मानुशासनम् ॥ જિનસેન સૂરિ ચરણસ્મરણે, ચિત્તવૃત્તિ જેમની;
ગુણભદ્ર સ્વામીની કૃતિ, આત્માનુશાસન નામની. ભાવાર્થ – જિન ભગવાનની સેનારૂપ સાધુઓના આચાર્યરૂપ જે ગણધર દેવ છે તેમનાં ચરણોના સ્મરણમાં ચિત્તને જોડનાર તથા કલ્યાણકારી અનેક ગુણોથી યુક્ત એવા પૂજ્ય આચાર્યોની આ આત્મસ્વરૂપના વિષયમાં શિક્ષા દેનારી કૃતિ (રચના) છે. (અથવા અર્થાતરે-) શ્રી જિનસેનાચાર્યનાં ચરણના સ્મરણમાં ચિત્તને અર્પિત કરનાર ગુણભદ્રાચાર્યની આ આત્માનુશાસન નામની કૃતિ, ગ્રંથરચના છે. તે પ્રિય ભવ્યો! તમે ભક્તિભાવે તેનું નિરંતર શ્રવણ, મનન, અનુશીલન કરો.
શ્લોક-૨૦૦ ऋषभो नाभिसूनूर्यो भूयात्स भविकाय वः । यज्ज्ञानसरसि विश्वं सरोजमिव भासते ॥ શ્રી ઋષભ નાભિપુત્ર થાઓ, ભવિક જનને શ્રેયદા;
આ વિશ્વ જેના જ્ઞાન-સરમાં, પદ્મ સમ શોભે સદા. ભાવાર્થ - અંતમંગળમાં ગ્રંથકર્તા આશીર્વાદ આપે છેઃ શ્રી નાભિરાજાના પુત્ર શ્રી ઋષભદેવ કે જેમના જ્ઞાનસરોવરમાં આ સર્વ જગત એક કમલ સરખું ભાસે છે, તે હે ભવ્યો! તમારા કલ્યાણને માટે થાઓ! અર્થાત્ હે ભવ્યો! તેમનો આશ્રય ગ્રહણ કરી, તેમણે દર્શાવેલા માર્ગે ચાલી, તેમના ઉપદેશના આધારે આત્મસિદ્ધિ પામી તમે તમારું શ્રેય સાધો - અભીષ્ટ, કલ્યાણ, મંગળ, શુભ, પરમાનંદસ્વરૂપ સર્વોત્કૃષ્ટ પદમાં બિરાજી કૃતાર્થ થઈ જાઓ!
