________________
પ્રશક્તિ
આ અવનીતલ ભૂષણ સમું સતુશાંતિધામ વિરાજતું, શાશ્વત સનાતન માર્ગ મુક્તિનો પ્રગટ ઝળકાવતું; અધ્યાત્મ રસકલ્લોલથી ભવ પાપતાપ શમાવતું, શ્રી રાજચંદ્રાશ્રમ શિરોમણિ તીર્થ આજે ગાજતું. ૧ શ્રી રાજ સદ્દગુરુ શરણમાં, લઘુરાજ ચરણોમાં વસી, નિજ સાધનામાં પ્રીતિ ભક્તિ ભાવના ઉર ઉલ્લસી; અધ્યાત્મ રંગ અભંગ સંગે, જાગી સત્કૃતમાં રતિ, પદ્યાનુવાદ સમાપ્ત આ એ ગુરુકૃપા માનું અતિ. ૨ દ્વિસહસ ઓગણત્રીસ સંવત, પૂર્ણિમા આષાડની, મોક્ષાર્થી જનમનમાં ઊછળતી ઊર્મિ જ્યાં આહાદની; અનુવાદ આ પૂરણ થયો, ક્ષતિ ત્યાં યદિ કંઈ ભાસતી, કરજો ક્ષમા તો સુજ્ઞ સજ્જન અલ્પ મુજ ગણીને મતિ. ૩ સતુશ્રુત તપનાં ફળરૂપે વૈરાગ્ય ઉપશમ પામીને, આજ્ઞા કૃપાળુ જ્ઞાનીની ઉલ્લાસથી આરાધીને; સહજાત્મપદમાં પ્રીતિ ભક્તિ ભાવના વધતાં સદા, પરભાવ છેદી સતત સ્વરૂપે રમણતા મુક્તિપ્રદા. ૪ શાસન પ્રવર્તે કર્મનું, ત્યાં જીવ કારાગૃહ વિષે, પરવશપણે ભવભવ ભમે, દુઃખનો ન પાર તહીં દીસે; નિજ જ્ઞાન દર્શન સૌખ્ય વીયદિ અમિત ઐશ્વર્ય એ, ગઈ રિદ્ધિસિદ્ધિ શાંતિ શાશ્વત સર્વ ક્યાં? આશ્ચર્ય એ! ૫ એ કર્મશાસનને હઠાવી, આત્મશાસન સ્થાપવા, સ્વાતંત્ર્યના સંગ્રામમાં નિજ વિજય ધ્વજ ફરકાવવા; અજ્ઞાન રાગાદિ અનાદિ કર્મ અરિ ઉચ્છેદવા, પામી સુદર્શન ચક્ર જ્ઞાનીથી, અરિ સંહારવા. ૬
