________________
આત્મપ્રાપ્તિનો પ્રકાર
તસ્વીરથી તસ્વીર ઊતરી શકે છે.
વડના બીજમાં અનેક વડ તથા એ અનેક વડમાં અનંતાનંત બીજ છે.
૧૫૧
સંનિપાતસહિત પુરુષ પોતાના ઘરમાં સૂતો છે તોપણ તે કહે છે કે ‘હું મારા ઘરમાં જાઉં.'
એક શેખચલ્લીની પાઘડી પોતાના માથા ઉપરથી જમીન પર સરી, તેને પેલો શેખચલ્લી ઉપાડીને કહે છે કે “આ એક પાઘડી મને મળી છે.'
વાંસની સાથે વાંસ ઘસાય ત્યારે અગ્નિ ઉત્પન્ન થાય છે અને તે અગ્નિ તે વાંસને ભસ્મ કરી પોતે પણ ઉપશમ (ઠંડો) થઇ જાય છે.
શંખ ધોળો છે તે કાળી, પીળી, લાલ માટીનું ભક્ષણ કરે છે તોપણ શંખ પોતે શ્વેતનો શ્વેત રહે છે.
બે બજાજની (વેપારીની) દુકાન ભાગીદારીમાં ભેગી હતી. ત્યાં કોઈ કારણથી એ બન્ને વેપારીને પરસ્પર રાગ ઊતરી ગયો, તેથી તે બન્ને વેપારી પરસ્પર અડધાં અડધાં વસ્ત્ર ફાડીને ભાગ વહેંચવા લાગ્યા. ત્યારે કોઈ સમ્યક્ જાણકારે કહ્યું કે ‘તમે આ પ્રમાણે પરસ્પર ભાગ વહેંચો છો પણ એથી તો તમને સો રૂપિયાના વસ્ત્રના પચાસ રૂપિયા ઊપજશે અને ઘણું નુકસાન થશે.' ત્યારે એ બન્ને નુકસાન થતું જાણીને ભેગા જ રહ્યા.
પૂર્ણિમાનો ચંદ્ર અને અમાસના સૂર્યમાં ભાંતિથી અંતર દેખાય છે.
એક શાહુકારે પોતાના પુત્રને પરદેશ મોકલ્યો. કેટલાક દિવસ પછી દીકરાની વહુ બોલી કે ‘હું તો વિધવા થઈ
