________________
૧ ૫O
સમ્યજ્ઞાનદીપિકા
તેમાંથી લોહી નીકળ્યું, તથા એ જ સમયે તેનું વીર્ય સ્તુલિત થઈ ગયું. પછી તે જાગ્યો ત્યારે વીર્યથી તો (પોતાનું) અધોવસ્ત્ર લિપ્ત થયેલું પ્રત્યક્ષ જોયું પણ રુધિરથી વસ્ત્રાદિક લિપ્ત ન દેખ્યું.
એક બાળક જૂઠા માટીના બળદની સાથે પ્રીતિ કરે છે તથા એક ખેડૂતનો બાળક સાચા બળદની સાથે પ્રીતિ કરે છે; જૂઠા કે સાચા બને બળદ સાથે પ્રીતિ કરવાવાળા બાળકો દુઃખી જ છે, કારણ કે તેમના બળદોને કોઈ જોતરે, પકડે, અન્યથા કરે તો તે બન્ને દુઃખી થાય છે.
કોઈ એક માણસને કચડમાંથી રત્ન, ઝવેરાતની ભરેલી તાંબડી મળી, ત્યારે તે પેલી તાંબડીને વાવમાં ધોવા માટે લઈ ગયો, ત્યાં ધોતા ધોતાં તાંબડી વાવમાં પડી ગઈ તેથી તે રડવા લાગ્યો.
સફેદ લાકડાનો, અગ્નિની સંગતિથી કાળો કોલસો થયો. હવે તે કોલસો કોઈ પણ ઉપાયથી સફેદ થવાનો નથી, પરંતુ પાછો જો અગ્નિની સંગતિ કરે તો તે કોલસો સફેદ થઈ જાય.
એક માટીના કળશમાં જ્યાં સુધી પાણી છે ત્યાં સુધી તેનાં અનેક નામ છે, પણ તે કળશ ફૂટી જાય તો પછી પાણીનું કે કળશનું નામ ક્યાં રહ્યું?
મોર નાચે છે તો શ્રેષ્ઠ પરંતુ ઊલટું, પાછળનો અધોભાગ (ગુદા) ઉઘાડીને નાચે છે. એ જ પ્રમાણે ગુરુ વિના ક્રિયા વ્યર્થ છે.
કાચા લોટથી પણ પેટ ભરાઈ જાય છે પરંતુ તે જ લોટની રોટલી બનાવીને પકાવીને ખાય તો તે સ્વાદિષ્ટ લાગે છે.
