________________
૧૫૨
સમ્યજ્ઞાનદીપિકા
ગઈ'. ત્યારે તે શેઠે પોતાના પુત્રના નામ પર એક પત્ર મોકલ્યો અને તેમાં આ પ્રમાણે લખ્યું કે “હે દીકરા! તારી વહુ તો વિધવા થઈ ગઈ છે. એટલે તે શેઠનો પુત્ર આ પત્ર વાંચી શોક કરવા લાગ્યો. કોઈએ પૂછયું કે તું શા માટે શોક કરે છે?' ત્યારે તેણે કહ્યું કે “મારી સ્ત્રી વિધવા થઈ ગઈ.” એ સાંભળીને પેલા માણસે કહ્યું કે તું તો પ્રત્યક્ષ જીવતો મોજૂદ છે, છતાં તારી સ્ત્રી વિધવા કેવી રીતે થઈ ગઈ?' ત્યારે તે શેઠનો પુત્ર બોલ્યો કે તમે કહો છો તે તો સત્ય છે, પરંતુ મારા દાદાજીની લખેલી ચિઠ્ઠી આવી છે તેને જૂઠી કેમ માનું?'
બે સ્વાનુભવજ્ઞાની પરસ્પર વાર્તા કરવા લાગ્યા કે - પ્રશ્ન - સૂર્ય મરી જાય તો પછી શું થાય? ઉત્તર - ચંદ્રમાં છે કે નહીં? પ્રશ્ન - એ ચંદ્રમા પણ મરી જાય તો પછી શું થાય? ઉત્તર - ચિરાગ - દીપક છે કે નહીં? પ્રશ્ન - એ ચિરાગ - દીપક પણ મરી જાય તો શું થાય? ઉત્તર - શબ્દ - વચન છે કે નહીં? પ્રશ્ન - અને જો શબ્દ - વચન પણ મરી જાય તો શું થાય? ઉત્તર - અટકળ (અનુભવ) છે કે નહીં?
, ત્યારે પ્રશ્નકાર બોલ્યો - ઠીક છે, હું સમજી ગયો. ઇતિ પ્રશ્ન સંપૂર્ણ.
સફેદ વસ્ત્રની ઉપર રંગ શ્રેષ્ઠ લાગે છે. કાચી હાંડીમાં જે મૂર્ખ હોય તે જળ ભરે. તેલ અને રૂની બત્તી શ્રેષ્ઠ હોય
