________________
૧૦૮
પ્રસિદ્ધ થાય છે.
જો આ શરીરપિંડથી સ્વસમ્યજ્ઞાનમય પરમાત્મા તન્મયરૂપ હોત તો કદાચિત્ કોઈ પ્રકારથી કોઈ પણ (જીવ) મરત નહીં, તથા જે આ લોકાલોક-જગત-સંસાર દેખાય છે તેનાથી જો એ સ્વસમ્યજ્ઞાનમયી પરમાત્મા તન્મયરૂપ હોત તો તે હરકોઈને દેખાત. અહો! અહો! અહો! આવા અપૂર્વ વિચારની પૂર્ણતા શ્રીસદ્ગુરુના ચરણના શરણ વિના નહીં થાય.
સભ્યજ્ઞાનદીપિકા
અવગાઢતા
જેમ જ્યાં સુધી પક્ષી બે પાંખોથી તન્મયી છે ત્યાં સુધી તો તે પક્ષી અહીં-તહીં ભમે છે, ઊડે છે, બેસે છે; પરંતુ જે સમયે એ પક્ષીની બન્ને પાંખો ખંડિત-નિર્મૂળ થઈ જાય તે વેળા તે પક્ષી અહીં-તહીં ભ્રમણરહિત થઈ જ્યાંનું ત્યાં સ્થિર-અચળ રહે છે. એ જ પ્રમાણે જ્યાં સુધી જીવને નિશ્ચયવ્યવહાર(રૂપ બે પક્ષો)ની તન્મયતા છે છે, ત્યાં સુધી તે ચાર ગતિ અને ચોરાશી લાખ યોનિમાં પરિભ્રમણ કરે છે, પરંતુ જે સમયે જીવને કાળલબ્ધિ પાકતાં તથા શ્રીસદ્ગુરુના ઉપદેશ દ્વારા નિશ્ચયવ્યવહારરૂપ બે પક્ષનું ખંડન-નિર્મૂલન થઈ જતાં તે જ સમયે ચારગતિ, ચોરાશી લાખ યોનિમાં પરિભ્રમણરહિત થઈ તે જ્યાં નો ત્યાં જ અચળ સ્થિર રહે છે.
-
-
જેમ અડદ અને મગની બે દાળ થઈ ગયા પછી તે મળતી નથી તથા તેને વાવે તો તે ઊગતી નથી, એ જ પ્રમાણે શ્રીગુરુપ્રસાદથી જીવાજીવની જ્યાં સર્વથા પ્રકારથી ભિન્નતા છે ત્યાં જીવાજીવની તન્મયતા, એકતા નથી અને એ બન્નેની એકતાથી (એકતાના અધ્યવસાનથી) જે સંસાર ઉત્પન્ન થતો હતો તે હવે થવાનો નથી.
જેમ આંધળાના સ્કંધ (ખંભા) ઉપર લંગડો બેઠો છે.
