Page Text
________________
[ ७८ ]
नमिस्स वि दो रज्जाणि पालितस्सइक्कंतो बहू कालो । अन्नया य से कयाइ तहाविहवेयणीउदयेण जणियमहासिरोवेयणस्स समुप्पण्णो दाहज्जरो । उवट्ठिया वेज्जा कुणंति किरियाओ । समइक्कंता छम्मासा। तहा वि दाहो न समइ । तओ कस्सइ वेज्जस्सुवएसेण रायत्थमंतेउरियाओ सव्वाओ वि घसंति सिरिचंदणं । तासिं च सालंकारत्तणओ समुच्छलिओ वलयाणं झणक्कारो । रण्णा वि [ त] मसहंतेण भणियं 'कस्सेसो सद्दो ?' परियणेण कहियं 'वलयाणं' । तओ एक्केक्कं वलयं ताहिं करेहिंतो अवणीयं । तहा वि नोवसंतो सद्दसंघट्टो । तओ उत्तारियाणि दुन्नि तिण्णि चत्तारि पंच, तहा वि पसरइ सद्दो । तओ मंगलत्थमेक्क्कं वलयं धरिऊण सेसाणि अवणीयाणि । नमिणा भणियं 'एहि [कहं] उवसंतो सद्दो
?' परियणेण भणियं
नमी भणइ
सक्को भइ
'एक्केक्कं वलयं ठियं करेसु' ।
तओ चिंतिअं नमिणा – 'जावइओ धण - धन्न - रयण - सयणाइएहिं संगो तावइओ दुक्खनिओगो । तम्हा गागित्तं सुंदरं 'ति भावेंतो चेव समुवसंतदाहवेयणो समद्धासिओ निद्दाए । पभाए य [सुमिण] दिट्ठो अप्पा सुरसेलोवरि धवलकरिवरो य । तूरघोसेण य विबुद्धो । तओ चितिउं पवट्टो 'कत्थ म रिसो सोवन्निओ सेलो दिट्ठो' । विमरिसंतस्स य जायं जाइसरणं जहाऽहमिओ तइयभवे मणूसो विहियसामण्णो समुप्पण्णो पुप्फुत्तरविमाणे देवो । तत्तो य समागंतुं मेरुंमि जिणाणं जम्मणाईसुं कल्लाणएसुं बहुसो महिमासंतोऽहमासिओ । तओ चविऊणेहुववन्नो नमि त्ति पत्तेयबुद्धओ जाओ । पुत्तं ठविडं रज्जे सव्वं चइऊण पव्वइओ । अवि य
नमी भणइ
-
-
-
-
निक्खमंतं नमि नाउं रोवए मिहिलाजणो ।
तत्तो सक्को दिओ होउं, पत्तो तं भणइ इमं ॥
'किं नु भो अज्ज मिहिलाए, कोलाहलगसंकुला ।
सुव्वंति दारुणा सद्दा, पासाएसु गिहेसु य ?' ॥ [ उत्तराध्ययनेषु ९/७] 'मिहिलाए चेइए रुक्खे, सीयच्छाए मणोरमे ।
-
पत्त - पुप्फ-फलोवेए, [बहूणं बहुगुणे सिया] ॥ [ उत्तराध्ययनेषु ९/८ ] वाएण हीरमाणंमि, चेइयंमि मणोरमे ।
दुहिया असरणा अत्ता, एए कंदंति भो ! खगा' ॥ [ उत्तराध्ययनेषु ९ / १० ] 'एस अग्गी य वाऊ य, एयं डज्झइ मंदिरं ।
भगवं ! अंतेउरं तेणं, [ कीस णं ना ] ऽवलोयहा ?' ॥ [ उत्तराध्ययनेषु ९ / १२] 'सुहं वसामो जीवामो, जेसिं मो नत्थि किंचणं ।
मिहिलाए डज्झमाणीए, न मे डज्झइ किंचणं ॥ [ उत्तराध्ययनेषु ९ / १४] इय खोभिउं न सक्को, सक्को नमिमाह नमिय पच्चक्खो । 'सुपुरिस ! कोहो माणो, माया लोभो तए जित्ता ॥ विग्घातोऽहं पि जित्तो त्ति, खमेज्जा दुट्टु जं कयं' । वोत्तूणेवं गओ सक्को, निगमिज्जइ संपयं ॥ बहुयाण सद्दयं सोच्चा, एगस्स य - असद्दयं । वलयाणं नमी राया, निक्खंतो जह नगई ॥
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |