________________
ANNA
भज्जाओ । तासि कमेण वियत्त-सुहम्मा नाम पुत्ता ।
तहा मोरियसन्निवेसे धणदेव-मोरिया नाम परोप्परं माउसिहा(स्सिया)उया दोन्नि बंभणा। तत्थ धणदेवा(वस्स विजयदेवा)नाम भज्जा । [तीसे मंडिओ नाम पुत्तो जाओ । ताहे धणदेवो पंचत्तमुवागओ। तत्तो मंडिएण सहियं चेव विजयदेवा मोरिएण धरिया, तंमि देसे एयस्स अविरोहो त्ति काउं । तत्तो तीसे मोरियपुत्तो जाओ ।]
[मिहिलाए नयरीए देवो नाम बंभणो ।] तस्स जयंती नाम भज्जा । तीसे अकंपिओ नाम पुत्तो।
तहा कोसलापुरीए वसू नाम बंभणो । तस्स नंदा नाम भज्जा । तीए अयलभाया नाम पुत्तो। तहा कोसंबीविसए तुंगीयसण्णिवेसे दत्तो नाम बंभणो तस्स वरुणदेवा नाम भज्जा । तेसिं मेयज्जो नाम पुत्तो ।
तहा रायगिहे बलो नाम बंभणो । तस्स य भद्दा नाम भज्जा । तीसे पहासो नाम पुत्तो त्ति ।
एए य रज्ज(रिजु)वेय-सामवेय-यजुव्वेय-अहव्वणवेएहिं चउव्वेया गोयमाइया । अह अपावाए नयरीए सोमिलो नाम बंभणो जण्णदिक्खिओ होही । तेण ह [समारद्धे] जागंमि गयाऽपावाए नयरीए ।
इओ य भगवं महावीरो गोयमाईणं गुणो भविस्सइ त्ति नाऊण सूरत्थमणसमए चलिओ जंभियगामाओ देवगणुज्जोइयमग्गो, देवनिम्मियनवपउमोवरिविरइय(वियरिय)चरणो, रयणीए चलित्तु बारस जोयणाणि सूरुग्गमवेलाए पत्तो पावाए नयरीए उत्तरपासंमि जावगाणस्स(?) महासेणस्स वणुज्जाणे ।
विरएंति समोसरणं, जत्थ य देवो महिड्डिओ एइ । तत्थ तक्करणनियमो, जिणो अइसयवं ति भणियं च ॥ चउरो जम्मप्पभिई, एक्कारस केवले समुप्पन्ने । नवदस य देवजणिया, चोत्तीसं अइसया एए ॥ [विचारसारप्रकरणे १५८] सारमागयं (सहजसुगंध) देहं १, सुक्किलनिव्विसढ(ह)मंस-रुहिरिल्लं२ । नीहाराहारमचक्खुगोयरं ३, सुरहिनीसासं ४ ॥ मायंति समोसरणे, जोयणमाणंमि कोडिकोडीओ १।। परिणमइ देसणुत्तं, निय-नियभासाएँ देसाणं २ ॥ न दुभिक्ख३-मणावुट्ठी४, चिररोगा ५ वइर ६-मुड्डमर ७ माई ८। नाऽइवुट्ठी ९ न मारी १०, पसरइ भामंडलं देहे ११ ॥ सुपमाणा वाल-नहा १, सउणा विय पाहिणंति २ सहपवणो ३ । रिउसोहे ४ वसुहा कंट-ग ५ पउमाणि ६ नव गमणे ।। गंधोदयस्स छडओ ७, पयरो पुप्फाण पंचवण्णाण । हेट्ठियवयणाणं(वेंटाणं?) जाणुपमाणो ८ नमंति दुमा ९ ॥ वेमाणि-जोइ-भवणा, कुणंति मणि-रयण-कणयकविसीसे । । चउपोलि-समोसरणे, पायारे रयण-कणय-रुप्पमए १० ॥ गयणे दुंदुभिसद्दो ११, असोगदुमो जिणपमाण-बारगुणो १२ । छत्तीसगुणो वीरे, रम्मं छत्तत्तयं तदहे १३ ॥
