Page Text
________________
[५४]
तस्स य कयाइ सिद्धत्थघरोवविट्ठस्स भिक्खट्ठा पविट्ठो सामी । वाणियएण वंदिओ थुणिओ य । तओ वेज्जो तित्थगरं पासिऊण भणइ - 'अहो ! भगवं सव्वलक्खणसंपुण्णो, किंतु ससल्लो' । तओ सो वाणियओ संभंतो भणइ – 'पलोएहि कह(हिं) ससल्लो ?' । तेण दिवो कण्णेसु । तेण वाणियएण भणियं - 'नीले(णे)हि सल्लमेयं महातवस्सिस्स, पुण्णं होही तव वि, मम वि' । वेज्जो भणइ – 'निप्पडिकम्मो भगवं नेच्छइ' । ताहे पडियराविओ जाव दिवो उज्जाणे पडिमं ठिओ । .
तओ ओसहाणि गहाय गया तत्थ । भगवं तेल्लदोणीए उल्लारिओ मक्खिओ य । पच्छा बहुएहिं पुरिसेहिं जंतिओ अक्कंतो य । पच्छा संडासएण गहाय कड्डियाओ ताओ सरुहिराओ सलागाओ । तासु य कड्डिज्जंतीसु भगवया आरडियं । ते य मणुस्से उप्पाडित्ता उट्ठिओ । महाभैरवं नाम तत्थुज्जाणं जायं देवकुलं च । पच्छा संरोहणं ओसहं दिन्नं, जेण तव्वेलए चेव पउणो जाओ । ताहे वंदित्ता [खा]मित्ता य गया ।
__ एवं च व[य]गहणकालाओ जहण्णेण वि छठूतवसा पारयंतस्स तह पारणयवेलाए चेव पाणियं पिबंतस्स भगवओ गोवालेणाऽऽढत्ता गोवालेणं चेवोवसग्गा निट्ठिय त्ति । सिलामाघल्लगो अ गोवालो गओ सत्तमनरयपुढवीए । सिद्धत्थ-खरगा हु गया देवलोयं जओ तिव्ववेयणं कुणंता [वि] न तहा दुट्ठभावा जहा करड-कुरड त्ति । करड-कुरडकहा भन्नइ -
कुणालाए महानयरीए नाणातवविसेस(विसोसिय)तणुणो मासकप्पेण विहरमाणा संपत्ता सहयरा सहज्जाइणो य दो करड-कुरडाहिहाणा तवस्सिणो नयरिनिद्धमणोन्नताए वसहीए ठिया वरिसायाले । तेसिं च तवोविसेसेणाऽऽवज्जियाए खेत्तदेवयाए - ‘मा महाणुभावाणामिमेसिं नीयवसहीए जलप्पवणेणुवद्दवो होउ'त्ति चिंतिय देवयासत्तीए निवारियं नयरमझे वरिसणयं । तं च बहुं निंदंता नागरया ते नि(नी)सारिउं पवत्ता । समुप्पन्नकोवानलेहि य करड-कुरुडेहिं पायंपारण कमसो पूरियसिलोगेहि दिन्नो सावो । अवि
य
वरिस देव ! कुणालाए, दिणाणि दस पंच य ।
मुसलप्पमाणधाराहि, जहा रत्तिं तहा दिवा ॥ एवं च ते सविऊण सयं गया साकेअपुरं । तहाभवियव्वयाए य तारिसाए चेव वुट्ठीए संजायाए कुणालाजणवया पन्नरसयग्ग(अ?)होरत्तेहि पक्खित्ता समुइंमि । ते वि तइयदिवसे रुद्दज्झाणा मरिऊणुववन्ना सत्तमपुढवीए काले नरगे बावीएकास (तेत्तीस)सागरोवमाउणो नेरइय त्ति ॥ करड-कुरुड त्ति गयं ॥
___ करड-कुरुडाणं च पुरओ तेरससमाए सामिणो जंभियगामं गयस्सुज्जुवालियानईतीरसंठिय-कालक(साल)रुक्खाहोठियस्सुक्कुडुयासणेण छट्ठभत्तियस्स वइसाहसुद्धदसमीए दिणपहरतिगद्धसे[से] समुप्पन्नं केवलनाणं । तओ मिलिया देव-दाणवाईया । विरइयं समोसरणं; परमभव्वा सव्व[परिसा] । तहा वि कप्पो त्ति खणमित्तं काऊण देसणं चलिओ सामी जत्थ गोअमाईय त्ति ॥ गोअमकहा भण्णइ -
___ मगहाविसए गोव्वरगामे वसुभूई नाम बंभणो । तस्स पुहवी नाम भज्जा । तीसे इंदभूई[अग्गिभूर्ह]-वायुभूई-नामगा तिण्णि पुत्ता । परं पढमो पसिद्धो गोअमो त्ति ।
तहा कोल्लागसन्निवेसे धणमित्त-धमि(म्मि)ला नाम बंभणा । तेसिं वारुणी-भद्दिला नाम
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |