________________
[५३]
wwwwwwwwwwww
तत्थ माहिंदो वंदइ । तओ वालगं(पालगं?) गामं गओ । तत्थ वाइलो नाम वाणियओ जत्ताए चलिओ, [अमंगलं ति काऊण असिं] कड्डित्ता धाविओ । 'एयस्सेयाऽमंगलं फलउ' तस्स सीसं सिद्धत्थेण सहत्थेण छिन्नं।
तओ सामी चंपं गओ । तत्थ साइदत्तमाहणस्स अग्गिहोत्तसालाए चाउम्मासं चउमासियओ ठिओ। तत्थ य पुण्णभद्द-माणिभद्दा दुवे जक्खा पूर्य काऊण रत्तीए निच्वं पज्जुवासंति । ताहे साइदत्तो चिंतेइ - 'किमेस जाणइ जेण देवा पूएंति ?' तओ विण्णासणत्थं पुच्छइ - __'भगवं ! को जीवो ?'
[भयवं कहेइ] - 'साइदत्ता ! जो अहं ति मन्नइ' । ['केरिसो सो ?'] 'सो सुहुमो' । 'को सुहुमो ?' '[जो] न इंदियगेज्झो' 'भगवं ! को उवएसो ?' 'साइदत्ता ! दुविहो उवएसो, धम्मिओ अहम्मिओ य' । 'को नियमो ?' 'दुविहो नियमो, [महादोसनियमो] लहुदोसनियमो य' । तओ तेण नायं जहा 'साइसओ भगवं' ।
तओ सामी जंभियगामं गओ । तत्थ सक्को नट्टविहीए वंदित्ता भणइ, जहा - 'भगवं ! एत्तिएहि दिवसेहिं तुम्हें केवलनाणं उप्पज्जिस्सइ' । तओ सामी मेढिलय(मेंढिय)गामं गओ । तत्थ चमरिंदो वंदित्ता सुहविहारं पुच्छइ ।
तओ भगवं छम्माणिनामं गामं गओ । तत्थ सामिसमीवे गोवो गोणे छड्डेऊण गामे पविट्ठो 'दोहणाणि ताव करेमि'त्ति । ते गोणा अडविमणुपविट्ठा चरियव्वगस्स कज्जे । ताहे सो आगओ पुच्छइ - 'देवज्जा! कहिं ते बइल्ला ?' भगवं मोणेण अच्छइ । ताहे सो परिकुविओ भगवओ कन्नेसु घडिय[कास]सलागाओ छुहइ । एगा एगेण कन्नेण, बीया बीएण, जाव दोन्नि वि मिलियाओ । ताहे बाहिं भग्गाओ, ‘मा कोइ उक्खणेउ'त्ति । अवि य -
सामिजीवेण पुस्वि, तिविट्ठणा पहरउवविट्ठस्स । बोल्लावियस्स सहसा, अद्दाय(निद्दाइअ?)स्स रुटेणं ॥ गोवजीवस्स कन्ना, भराविया कारिलं तउं तत्तं । तक्कम्मणियदोसस्स सामिणो तेण कन्नेसु ॥ छोढूण सलागाओ, गोवेणिमिणा मणे वि दुसहाओ ।
तह खोडियाओ दोण्णि वि, जाणिज्जइ जह सलागेगा ॥ तओ सामी मज्झिमं गओ । तत्थ सिद्धत्थो नाम वाणियगो; मित्तो य से खरगो नाम वेज्जो।
