Kahavali Pratham Paricched Part 02

SR No.: 007109
Original Sutra Author: N/A
Author: Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2016
Total Pages: 378
Language: Sanskrit
Classification: Book_Devnagari
File Size: 13 MB

Page 65

[४८]
ता एसो असंभासो निव्विसओ य कीरउ' । तओ संगमओ सागरोवमाउगसेसो नीसारिओ जाणएण विमाणेणं देवीहिं सहाऽऽगंतुमुवरि मेरुचूलियाए ठिओ । पइट्ठिओ य तहा सक्केण सामी महावीरो नाम ।
तओ सामी आलभियं गओ । तत्थ विज्जुकुमारिंदो महिमं काऊण थोवोवसरिंग केवलनाणुप्पत्ति वागरेइ । तओ सामी सेयवियं गओ । तत्थ हरिस्सहो महिमं काऊण वंदइ ।
तओ सामी सावत्थि गंतूण बाहिं पडिमं ठिओ । तत्थ य लोगो भगवंतमवगन्निय खंदपडिमाए रहजत्तं काउमाढत्ता । तओ सक्को दिण्णोवओगो तं पडिममणुपविसित्ता भगवंतेणं पत्थिओ । लोगो तुट्ठो भणइ – 'देवो सयमेव रहे चडिस्सई' । जाव सामि गंतूण वंदइ ताव सो लोगो 'एस [देव]देवो'त्ति अक्खित्तचित्तो भगवंमहिमं करेइ ।
तओ सामी कोसंबिं गओ । तत्थ चंदसूरा सविमाणा वंदति । तओ सामी वाणारसिं गओ । तत्थ सक्को वंदइ । तओ सामी मिहिलाए नगरीए गओ । तत्थ जणगो राया पूर्व करेइ । धरणिंदो य पियपुच्छओ एइ । तओ सामी वेसालिं नगरिं गओ । तत्थेक्कारसमो वासारत्तो ॥छ। ११॥
तत्थ य अणुन्नविय उग्गहं देवउले पडिमाए ठिओ जिन्नसेट्ठिणा दिट्ठो । तं दट्ठण अईव सेट्ठिस्स भत्ती समुप्पण्णा – 'अहो ! भयवओ सोम्मया निप्पकंपया !' । अहिंडणेण य नाओ चाउम्मासियभिग्गहो सेट्ठिणा । अइक्कंता चत्तारि मासा । पत्तो पारणए । दिट्ठो भिक्खागोयरं पइ चलिओ भगवं । समुप्पण्णो सेट्ठिस्स मणोरहो - 'अहो धन्नोऽहं जइ मे भगवं गेहे आहारगहणं करेई' । गओ तुरियं गेहं, पवड्डमाणसंवेगो य भयवओ आगमणं पलोएउं पयत्तो । भयवं पि अद्दीणमणो [गओ] गोयरट्ठिईए अहिणवसेट्ठिगेहं । तेण वि भयवं[तं] पासिऊण जहिच्छाए दवावियं कुम्मासाइभोयणं । पत्तं विसेसओ । समुन्भूयाणि दिव्वाणि। अद्ध तेरसहिरन्नकोडीओ निवडिया वसुहारा । कयपुन्नो त्ति पसंसिओ लोएहि अहिणवसेट्ठी । [जिण्णसेट्ठी] वि भयवओ पारणयं सुणेऊण अवट्ठियपरिणामो जाओ ।
भयवं पि भूयाणंदेण असुरकुमारिंदेण नाणुप्पत्तिं वागरिऊण सुहविहारं पुच्छिओ वेसालीओ विहरिओ त्ति । आगओ य पासावच्चिज्जो केवली तंमि चेव दिवसे वेसालि । मुणिओ लोगेणं । निग्गओ य तस्स वंदणवडियाए । वंदिऊण य वसुहारावुत्तंतविम्हिएण लोएण पुच्छिओ केवली - 'भयवं ! इमीए नयरीए अज्ज लोयाणं मज्झे को महंतपुण्णसंभारज्जणेण कयत्थो ?' भगवया भणियं – 'जिन्नसेट्ठी' । लोगेण भणियं – 'न तेण भयवओ पारणयं कयं, न य तस्स गेहे वसुहारा निवडिया । ता कहमेयं ?'। भयवया भणियं – 'कयं चेव भावेणं, जओ तस्सेरिसो कुसलपरिणामो आसि जेण जइ थेववेलाए तित्थयरपारणगस्स वुत्तं सुणेतो ता पवड्डमाणसंवेगयाए कम्मं खविऊण केवलं पि पावेतो' ।
___ 'अवि य, भावियं तेण सद्धाए(इ)सएण निरुवहयमोक्खधी(बी)यं, अओ महंतपुण्णसंभारज्जणेण सो कयत्थो त्ति । पारणगकारगस्स उ अहिणवसेट्ठिस्स न तारिसो परिणामो अओ न तहा कयत्थो । वसुहारानिवडणं च एगजम्मियं थेवपओयणं' ति ॥
सामी वि तओ विहरंतो गओ सुंसुमारपुरं । तत्थ वि असोयसंडे उज्जाणे असोयवरपायवस्साऽहो पुढविसिलापट्टगोवरि अट्ठमभत्तिओ काउस्सग्गेण जाव चिट्ठइ तावाऽऽगओ चमरिंदो त्ति ॥छ। चमरिंदकहा भण्णइ -