Page Text
________________
[४७]]
Ammmmm
___ तओ सामी तोसलिगाम गओ । तत्थ बाहिं काउस्सग्गेण ठिओ । तओ संगमओ – 'न एस वसिमं पविसइ । ता बाहिं ठियस्सेव संपयमुवसग्गे करेमि'त्ति चिंतिता खुड्डगरूवो होऊण गहियखत्तपाडणोवगरणो गाममज्झे गंतुं खत्तं पाडेइ । तओ लोगेण दलृ पिट्टिज्जतो भणइ - ‘मा मं पिट्टेह । जं ममोवज्झाओ भणइ तमहं करेमि' । लोओ भणइ – 'कत्थ सो चिट्ठइ ?' तओ गंतूणुज्जाणे भगवंतं दंसेइ । [तओ] लोगेणं बहुविहं पिट्टित्ता भगवं मारणत्थं नीसारिय(ओ) । तत्थ भूइलो नाम इंदजालिओ । तेण सामी कुंडग्गामे दिट्ठो आसि । तओ पच्चभिजाणित्ता सो भणइ – 'भो ! सिद्धत्थरायपुत्तो एस भगवं, ता मा उवद्दवेह' । तओ वंदित्ता खामित्ता य लोगेणं सो खुड्डगो गवेसिओ । न य दिट्ठो । तओ नायं जहा कोइ देवो भगवओ उवसग्गं करेइ ।
तओ सामी मोसलिगामं गओ । तत्थ वि भगवओ समीवे खत्तपाडणोवगरणाणि विउव्वित्ता अप्पणा खुड्डगरूवो होउं गाममज्झे गंतूणं खत्तपाडणट्ठाणं संगमओ निहुयं जोयइ । तओ लोगेण दट्ठण भणिओ - 'किमेत्थ जोएसि ?' सो भणइ - 'मम धम्मायरिओ रत्तीए एत्थ गंतूणं खत्तं खणिही । तस्स मा कंटया भज्जंतु त्ति पढममेव सुहेल्लयं करेमि' । लोगो भणइ - 'कत्थ सो धम्मायरिओ ?' तओ तेण तहेव बाहिं गंतूण दंसिए लोएण दिट्ठाणि खत्तोवगरणाणि । तओ घेत्तूणाऽऽणीओ भगवं । तत्थ य सुमागहो नाम रट्ठिओ, सो य भगवओ पिउमित्तो । तेण दटुं मेल्लाविओ ।
तओ सामी तोसलिं नाम गामं गओ । तत्थ वि तहेव गहिओ, नवरं उक्कलंबिउमाढत्तो । तओ तुट्टा रज्जू । एवं सत्त वारा जाव तुट्टा रज्जू । तओ समागंतूण [क]हियं तोसलिखत्तियस्स । सो भणइ - 'मुंचह एयं, जइ(ओ) अचोरो निद्दोसो य एसो । तं च खुड्डगं गवेसह' । न य सो [जो]इज्जतो वि दीसइ । तओ नायं जहा काइ उसो(काइ एसा) देवमाया ।
तओ सामी सिद्धत्थपुरं गओ । तत्थ वि संगमएण तहाकए चोरो त्ति काऊण लोगेण गहिओ । तत्थ य कोसिओ नाम हेडाउओ । तेण य कुंडपुरे सामी दिवो आसि त्ति पच्चभिजाणित्ता मोयाविओ।
तओ सामी गोउलं गओ । तत्थ य तद्दिवसमसवो, सव्वत्थ खीरी रंधिज्जइ । तओ सामी 'बहं कालमुवसग्गेंतस्स संपयं निव्विन्नो संगमओ भविस्सई'त्ति संपहारित्ता निक्खंतु गोउले गओ । पुणो वि संगमए अणेसणं कुणमाणे सामी दिन्नोवओगो अद्धर्हिडिओ चेव नियत्तो बाहिं पडिमं ठिओ ।
तत्थ संगमओ ओहिणा आभोएइ - 'किमेस भग्गपरिणामो न वा ?' तओ तहेव सुद्धपरिणामं भगवंतं दट्ठण चिंतेइ - 'जो छहिं मासेहिं ममोवसग्गंतस्स वि न चलिओ सो कहं संपयं छ(च)लिस्सइ ?' त्ति नियत्तचित्तो पाएसु पडित्ता – 'सच्चं जं सक्को भणइ'त्ति वोत्तुं 'सव्वं खामेह भगवं । अहं भग्गपइन्नो तुब्भे य समत्तपइन्ना । संपयं निरुवसग्गं विहरह' । सामी भणइ - 'भो संगमया ! नाऽहं कस्सइ आएसकारी । इच्छाए चेव चरेमि' ।
___ तओ सामी बीयदिवसे तत्थेव गोउले हिंडंतो वच्छवालथेरीए ऊस[व]दिवसे दुद्धाभावेणं तंमि दिणे रद्धखीरीए छण्हं मासाणं पाराविओ । पाउब्भूयाणि पंच दिव्वाणि ।।
इओ य सोहम्मे कप्पे सव्वेसि देवाणं [उव्विग्गमणाणं] समागओ संगमओ । तं च दट्ठण सक्को परंमुहो ठिओ भणइ – 'भो भो देवा ! न एएणं अहं चित्तरक्खा वि कया जं तित्थयरो आसाइओ ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |