Page Text
________________
[४६ ]
काइयाए सिंचइ । तह विन चलिओ | १२| तओ सिद्धत्थं विउव्वइ । सो 'एहि पुत्त ! मा मा मं छड्डेह' त्ति कलुणाणि विलवइ । तह वि न चलिओ || १३ | तओ तिसलं विउव्वइ । सा विविहं विलवइ । तह विन चलिओ ॥१४) तओ खंधावारं विउव्वइ । तत्थ य सूवयारो पत्थराभावे भगवओ पायाणमुवरि वरयं चडावित्ता मज्झे अरिंग पज्जालेंतो रंधइ । तह वि न चलिओ || १५ | तओ आहेडियं विव्व । सो पंजरत्थे पक्खिणो भगवओ बाहु-गल-कन्नेसु ओलएइ । ते य तुंडेहिं विधित्ता मुत्त-पुरीसं वोसिरंति । तह विन चलिओ || १७ | तओ आवत्तवायं विउव्वइ, जेण चक्कमिव भमाडिज्जइ । तह विन चलिओ || १८ | तओ 'मारेमि'त्ति संपहारित्ता भारसहस्सग (म ) यं गोलयं उवरि पक्खिवइ, जो मंदरं पि चूरेज्जा । तेण य भगवं ताव भूमीए निबुड्डो जाव हत्थग्गाई । तह विन चलिओ ॥ १९ ॥ तओ चितइ 'न सक्का एस मारेडं, ता संपयमणुलोमे उवसग्गे करेमि । तओ पभायं विउव्वइ । तंमि लोगो हिंडतो भइ ‘देवज्जगा ! किमज्जाऽवि अच्छसि ?' भगवं पि 'न ताव पभाइ [जाव सभावओ पभा]यं'ति नाणेण जाणंतो न चलिओ । तओ सकामामररमणीरमणीयं पेच्छणयमुवदंसंतो भइ 'तुट्ठो मि तुज्झ भगवं ! किं देमि ? सग्गं मोक्खं वा ते सरीरं नेमि ? तिन्नि वा लोए तुज्झ पाएसु पाडेमि ?' तह वि न चलिओ ||२०|
-
-
-
एवमेगराईए भगवओ वीसं उवसग्गे संगमओ काऊण निव्विण्णो चिंतेइ – 'पुणो करिस्सामि' ।
ओ सामी वालुगा नाम गामो, चलिओ । तत्थंतरा पांच चोरसए विउव्वइ, वालुगं च, जत्थ खुपिज्जइ । तओ चोरेहिं वज्जसरीरेहिं 'माउलो माउलो 'त्ति भणतेहिं तारिसं साययं दिण्णं जारिसेण पव्वयं (या?) वि फुट्टेज्जा । तओ जाणुप्पमाणं वालुयाए खुप्पंतो वालुयाए गामं गओ । तत्थ सामी भिक्खं हिंडंतो संगमेण आवरियरूवो तरुणीओ दट्ठूण काणक्खियाओ देइ । [ताओ हम्मंति ।]
ओ भगवं सुभोमं गओ तत्थ वि संगमएणाऽऽवरियरूवो भिक्खटुं पविट्ठो महेलाणं अंजलीओ करे । पच्छा लोएण पिट्टिज्जइ । तओ भगवं पु( सु )च्छेत्तागामं गओ । तत्थ वि भिक्खत्थं पविट्ठो संगमणाऽऽवरियरूवो सिडिंगो व हसंतो गायंतो तरुणीण काल (ण) क्खियाओ गालीओ य देंतो लोएण पिट्टिज्जइ ।
ओ सामी मलयगामं गओ । तत्थ भिक्खत्थं हिंडतो संगमएणाऽऽवरियरूवो उम्मत्तपिसाओ व्व महेल्लाणं पिट्ठओ धावइ । तहा डिंभगे छारकयारं संमुहं पक्खिवंते तासिंतो तूसट्ठाईहिं हणइ । तओ लोएण पिट्टिज्जइ ।
ओ सामी हथिसीसयगामं गओ । तत्थ भिक्खं हिंडतो संगमएणाऽऽवरियरूवो अइथद्धलिंगो महिलियाण पिट्ठओ धावइ । तओ सामी गामस्स बाहिं गओ । तत्थ वि जत्थ जत्थ इत्थीओ पेच्छइ तत्थ तत्थ थद्धलिंगो संजायमाणो चिंतेइ 'अहो ! गाढमेस संगमओ उड्डाहमणेसणं च करेइ । ता न वस पविसिस्सामि'त्ति कयनिच्छओ बाहिं चैव काउस्सग्गेण ठिओ । तओ संगमो हसिउमादत्तो 'जाणामि संतिसंतं तुमं जइ ठाणाओ ण चलिहिसि' ।
-
एत्थंतरंमि तत्थेवाऽऽगएण सक्केणं थद्धलिंगो चेव भगवं वंदिओ सक्कारिओ य । तप्पभिई च पंचाल ति वा ढोंढसिवो त्ति वा दीहपिट्टो त्ति वा भंडसिवो त्ति वा नामेण तहारूवो चेव लोगेण देवो पट्ठा
।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |