Kahavali Pratham Paricched Part 02

SR No.: 007109
Original Sutra Author: N/A
Author: Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2016
Total Pages: 378
Language: Sanskrit
Classification: Book_Devnagari
File Size: 13 MB

Page 61

[४४]
उप्पत्ती ?' सा भणइ – 'किं तुज्झ उप्पत्तीए ?' महिलाभावं दावेइ । सो भणइ – 'अन्नं पि एत्तियं मोल्लं देमि, साहसु सब्भावं' । ताहे सवहसवियाए सव्वं सिटुं ।
ताहे सो निग्गओ सग्गामं गओ अम्मा-पियरो पुच्छइ । ते वि न कहेंति ताहे ताव अणसिओ ठिओ जाव कहियं । ताहे सो तं मायरं मुयावेत्ता वेसाययणाओ पच्छा विरागं गओ ‘एयावत्था विसय'त्ति पाणामाए पव्वज्जाए पव्वइओ, तेण जाओ वेसियायणो त्ति ।
विहरंतो य तं कालं कुम्मग्गामे आयावेइ । तस्स य छप्पयाओ जडाहितो आइच्चकिरणतावियाओ पडंति । सो य जीवदयाए पडियाओ वि ताओ सीसे छुहइ । तं गोसालो दट्ठण ओसरित्ता तत्थ गंतूण भणइ – 'किं तुमं मुणी [मुणि]ओ उया[हु] जूयासेज्जायरो ?' एवं च बहुसो भणंतस्स रुट्ठो वेसियायणो तेउलेसं निसिरइ । तं च दटुं भएण पुक्कारेंतो सामिसम्मुहो धाविओ गोसालओ । तओ सामिणा गोसालस्स अणुकंपणट्ठाए वेसियायणस्स य उसिणतेयपडिहणणट्ठाए सीयलियातेयलेसा नीसारिया । सा य जंबुद्दीवं अभितराओ वेढेइ । इयरा य तीए पेल्लिया पासेसु परिब्भमंती सीयलाए कमेण विज्झाविय त्ति ।
ताहे सामिस्स रिद्धि पासेत्ता समीवमागम्म भणइ – 'भगवं ! न मए जाणियं जहा तुम्हमेसो सीसो। ता सव्वं खमह मे दुच्चिण्णय' । खामित्ता य गओ वेसियायणो सट्ठाणं ति ॥छ। वेसियायणो त्ति गयं ॥
गए य वेसियायणे गोसालो सामिमापुच्छइ – 'किमेसो जूयासेज्जायरो भणइ ?' सामिणा कहियं । ताहे चोज्जिओ पुच्छइ सामि जहा – *['किह संखित्तविउलतेयलेस्सो हवइ ? भगवं भणइ - 'जे णं गोसाला ! छटुं छद्रेण अणिक्खित्तेणं तवोकम्मेणं आयावेति, पारणए सणहाए कुम्मासपिंडियाए एगेण य वियडासणेण जावेइ जाव छम्मासा से णं संखित्तविउलतेयलेस्सो भवइ' ।
अण्णया सामी कुम्मगामाओ सिद्धत्थपुरं पत्थिओ पुणरवि तिलथंबगस्स अदूरसामंतेण वीतीवयइ । पुच्छइ सामि जहा -] 'भगवं ! न निप्फण्णो सो तिलत्थंबो' । सामी भणइ – ‘एस सो निप्फण्णो चिट्ठइ' । तओ तमसद्दहमाणो गंतूण तिलसिंगलियं हत्थे[ण] फोडेत्ता तिले गणमाणो तहेव सत्त तिले दट्टण भणइ – 'जेण जहा भवियव्वं तं भवइ, [न] अन्नहा' ।
तओ तस्स जमुद्दिटुं सामिणा आसि जहा, 'संखित्तविउलतेयलेसो एवं हवइ', तन्निमित्तं सो सामि मोत्तूण सावत्थीए कुंभगारसालाए ठिओ । तओ तत्थ ठिओ तहेव तवं काऊण सिद्धलेसो विण्णासणत्थं बाहिं गंतूण दासीए कूवतडत्थाए पासंतीए चेव कोवजणणत्थं जलभरियकुंभं कक्करयं पक्खिवित्ता काणेइ । तओ सा तं दट्ठण अक्कोसिउमाढत्ता । तओ रोसाविट्ठो गोसालो सहस त्ति तं तेउलेसाए डहइ । तओ तत्थ जायपच्चओ गोसालो चउव्वीसइवासपरियाओ आजीविगसंघपरिवारिओ विहरइ ।
तओ पाससामिपडिसीसा इमे छद्दिसायरा वयभट्ठा मिलिया, तं जहा – १. सोणो, २. कलिंदो, ३. कणियारो, ४. अच्छिद्दो, ५. अग्गिवेसायणो, ६. अज्जुणो । ते य गोसालस्स अटुंगमहानिमित्तं वयइ(वयंति) त्ति । तओ गोसालो तेण अटुंगमहानिमित्तेण तेउलेसाए य दप्पिओ समाणो लोयमज्झे अजिणो वि 'अहं जिणो'त्ति पन्नवेंतो विहरइ त्ति छ।
तओ भगवं वेसालिनगरि विहरइ । तत्थ संखो नाम गणराया सिद्धत्थस्स रण्णो मित्तो । सो तं * अत्र पाठवुटितः । आवश्यक-चूर्ण्यनुसारेण पूरितः ।