Page Text
________________
[३८]
ताओ पुण जाणंति जहा - चरिमतित्थगरो पव्वइओ । ताहे गयाओ जाव पेच्छंति ताहे मोइओ । ते य उद्धंसिया - 'अहो किं विणस्सिउकामा तुम्हे ?' तओ ते[हिं] भएण खमाविया महिया य ।
तओ भगवं पिट्ठीचंपावासं गओ । तत्थ चउत्थं वासारत्तं करेइ ॥छ।४॥ तत्थ य चाउम्मासियं खमणं करेंतो विचित्तं पडिमाईयं तवं करेइ । ततो बाहिं पारेत्ता कयमंगलं गओ ।
तत्थ य दरिद्दथेरा नाम पासंडत्था समहिला सारंभा सपरिग्गहा । तेसिं च वाडगस्स मज्झे देवउलं । तत्थ सामी पडिमं ठिओ । तद्दिवसं च फुसिअं सीअं पडइ । तेसिं च तद्दिवसे तत्थ जागरो, तओ समहिला गायंति । तत्थ गोसालो भणइ – ‘एसो वि नाम पासंडो भण्णइ सारंभो समहिलो य । सव्वे वि य मिलिया गायंति नच्चंति य' । सोय(उ)मेयं च सो नीसारिओ तेहिं । तओ सो बहिं(तहिं?) माहमासे सीएण सतसारेण अच्छड़ संकचिओ । तेहिं अणकंपे(पंते)हिं पणो वि पइसारिओ । तो पणो वि भणइ । पुणो वि नीसारिओ । एवं तिण्णि वारा नीसारिओ प[इसारिओ] य । तओ भणइ – 'अम्हे फुडं भणामो तहा वि नीसारिज्जामो' । तत्थऽण्णेहि भण्णइ – 'एस देवज्जस्स कोइ पीडि(ढि)यावाहओ छत्तधारओ वा आसि, तो तुण्हिक्का अच्छह, सव्वाउज्जाणि खडखडावेह, जहा से सद्दो न सुव्वइ' ।
तओ सामी सावस्थि गओ । तस्स(त्थ) सामी बाहिं पडिमं ठिओ । तत्थ गोसालो पच्छड - 'तुब्भे भिक्खिस्सह?' सिद्धत्थो भणइ - 'अज्ज अम्हमुववासो' । सो भणइ - 'अज्ज अहं किं लभी(भि)हामि आहारं ?' सिद्धत्थो भणइ – 'तए अज्ज माणुसमंसं खाइयव्वं' । सो भणइ – 'तं अज्ज जेमिस्सं जत्थ मंससंभवो नत्थि, किमंग पुण माणुसमंसं ?' सो पहिडिओ ।
तत्थ य सावत्थीनयरीए पिउदत्तो नाम गाहावई । तस्स सिरिभद्दा नाम भारिया । सा य मरंतवियाइणी सिवदत्तं नाम नेमित्तियं पुच्छइ – 'कह वि मम पुत्तभंडं जीवेज्जा ?' सो भणइ – 'जो सुतवस्सी तस्स [तं गब्भं] सुहुमखंडीकयं महु-घयसंजोइयदुद्धेण खीरिं रंधित्ता देहि । सघरस्स य अण्णओहुत्तं दारं करेज्जासि, मा सो जाणित्ता डहिस्सइ । एवं ते थिरा पुत्ता भविस्संति' । ताए तहा कयं । गोसालो य हिंडंतो तीए घरं पविट्ठो । तस्स सा खीरी घय-महु संजुत्ता दिण्णा । तेण चिंतियं - ‘एत्थ मंसं कओ भविस्सइ ?' त्ति । ताहे तुटेणि] भुत्ता(तं) । गंतुं भणइ - 'चिरं चिरं नेमित्तियत्तं करेंतस्स नवरमज्ज भुल्लोऽसि' । तओ सिद्धत्थो भणइ – 'न विसंवयइ । [जइ] न पत्तियसि ता वमाहि' । तओ तेण तहेव कए दिट्ठा नहाइया अवयवा । ताहे रुट्ठो तं घरं मग्गइ । तेहिं वि [अण्णओहुत्तदारं] तं घरं कयं । तेण सो न याणइ । तओ गवसंतो वि जाहे न लब्भइ ताहे भणइ - 'जइ मम धम्मयरियस्स तवतेओ अत्थि तो डज्झउ बाहिरिया' । ताहे दड्डा सव्वा बाहिरिया ।
___ताहे सामी हलिहुगो नाम गामो, तं [ग]ओ । तत्थ महप्पमाणो हले(लि)हरुक्खो । तत्थ सावत्थीए निग्गच्छंतस्स पविसंतस्स य सत्थस्साऽऽवासट्ठाणं ति तद्दिणे आवासिओ सत्थो । सामी वि तत्थेव काउस्सग्गेणं ठिओ । तेहि य सत्थिएहिं रत्तिं सीयकालो त्ति अग्गी जालिओ । तओ वट्टे पहाए उठ्ठित्ता गया । सो य अग्गी तेहिं न विज्झाविओ । त[ओ] डहंतो सामिपासं गओ सो सामि पडिज्झामेइ । गोसालो भणइ – 'भगवं ! नासह, एस अग्गी एइ' । सामिस्स पाया दड्डा, गोसालो नट्ठो ।
तओ सामी नंगला नाम गामो, तत्थ गओ । वासुदेवघरे पडिमं ठिओ । गोसालो वि तत्थ ठिओ
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |