Kahavali Pratham Paricched Part 02

SR No.: 007109
Original Sutra Author: N/A
Author: Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2016
Total Pages: 378
Language: Sanskrit
Classification: Book_Devnagari
File Size: 13 MB

Page 52

[३५]
वि] न जेमेति । सावगस्स भावो जाओ जहा – 'इमे भविया उवसंता' । ता अब्भहिओ य नेहो जाओ। ते य रूवस्सिणो । तस्स य सावगस्स मित्तो तत्थेव अत्थि । तेण य भंडीरवणजक्खजत्ताए वच्चंतेण तारिसा नत्थि अन्नस्स बइल्ल त्ति ते चेव गड्डीए जोत्तेत्ता नीया अणापुच्छाए ।
तत्थऽण्णबइल्लेहिं साकं धावं कारिया, ताहे ते छिन्ना । तेण ते आणेउं बद्धा । न चरंति न य पाणियं पिबंति । जाहे सव्वहा नेच्छंति ताहे सो तेसिं भत्तपच्चक्खाणं नमोक्कारं च देइ । ते कालगया नागकुमारेसु उववन्ना ओहिं पउंजंति । जाव पेच्छंति तित्थगरस्स उवसग्गं कीरमाणं । ताहे तेहिं चिंतियं - 'अलाहि ता अण्णेणं, सामिं मोएमो' । आगया । एगेण नावा गहिआ एगो सुदाढेण समं जुज्झइ । सो य महिड्डिगो परं तस्स चवणकालो । इमे य अहुणोववन्नया । सो तेहिं पराइओ । ताहे ते नागकुमारा तित्थगरस्स महिमं करेंति संतरूवं च गायति । एवं लोगो वि । तओ सामी उत्तिण्णो । तत्थ देवेहि गंधोदयवासं पुप्फवासं च वुटुं । तओ गया सट्ठाणं ति ॥छ। कंबल-संबल त्ति गयं ॥छ।।
तओ सामी गंगातीरे इरियावहियं पडिक्कमित्ता पत्थिओ । तओ नईपुलिणे मसिणकद्दमे भगवओ पायपडिबिंबेसु पसत्थलक्खणाणि दीसंति । तत्थ पूसो नाम सामुद्दिओ । सो ताणि पासिऊण चिंतेइ - 'एस चक्कवट्टी गओ एगागी । वच्चामि णं वागरेमि । तो मम एत्तो भोगा भविस्संति । सेवामि णं कुमारत्तणे' । सामी थूणागस्स [सण्णिवेसस्स] बाहिं पडिमाए ठिओ । तत्थ सो सामि पेच्छिऊण चिंतेइ - 'अहो मे(मए) पलालं अहिज्जियं, एएहि लक्खणेहिं जुत्तो वि एस सुमिणो(समणो) जं जाओ'त्ति ।
___इओ य सक्को देवराया ओहिणा पलोएइ – 'कहिं अज्ज सामी ?' ताहे सामि पेच्छइ, तं च पूसं । तओ आगओ सामि वंदित्ता भणइ - 'भो पूस ! तुमं लक्खणसंखं पि न याणसि । एसो अपरिमियलक्खणो । ताहे वन्नेइ लक्खणं अभितरगं - 'रुहिरं गोखीराभ'मिच्चाइ । तहा 'लक्खणफलं पि पसत्थं एयस्सेव भगवओ त्ति सत्थं न होइ अलियं, जओ एस धम्मचक्कवट्टी देविंदनरिंदपूइओ भवियजणकुमुदाणंदकारओ भविस्सइ' ।
तओ सामी रायगिहं गओ । तत्थ नालंदाए बाहिरियाए तंतुवाग(य)सालाए एगदेसंमि अहापडिरूवं उग्गहं अणुन्नवेत्ता पढमं मासक्खमणं उवसंपज्जित्ता णं विहरइ । एत्थेव भगवओ मिलिओ गोसालो त्ति गोसालयकहा भण्णइ -
तेणं कालेणं तेणं समएणं मंखली नाम मंखो । तस्स भद्दा भारिया गुठ्विणी गोबहुलस्स माह]णस्स गोसालाए पुत्तं पसूया । *गोन्नं च से [नाम] कयं गोसालो त्ति संवडिओ य सो मंखसिप्पं अहिज्जिओ चित्तफलयं करावेइ(करेइ?) । तओ एगल्लओ विहरंतो रायगिहे तंतुवागसालाए भगवं महावीरो अच्छइ तत्थेव वासावासं उवगओ । तत्थ भगवं मासखमणपार[णए] इ(अ)भितरियाए विजयस्स घरे विउलाए भोयणविहीए पडिलाहिओ । पंच दिव्वाणि पाउब्भूयाणि । गोसालो सुणेत्ता आगओ । पंच दिव्वाणि पासिऊण भणिओ(भणइ) - भगवं ! तुब्भं अहं सीसो' । सामी तुसिणीओ निग्गओ बिइअं मासक्खमण(णं) ठिओ । तत्थ पारणयं नंदस्स घरे खज्जगविहीए । तइए सुनंदस्स घरे सव्वकामगुणिएणं । तओ चउत्थं मासक्खमणं उवसंपज्जित्ताणं विहरइ ।
तओ गोसालो कत्तियदिवसपुण्णिमाए पुच्छइ - 'किमहं अज्ज भत्तं लभिस्सामि ?' सिद्धत्थेण * गौणं - गुणनिष्पन्नम् ।