Page Text
________________
[२७]
A
-
तुमं मम ओलग्गए पट्ठवेहि । तुमं महल्लो । जेण पेच्छामि, सक्कारेमि, रि(र)ज्जाणि य देमि' । तेण भणियं - 'अच्छंतु कुमारा, सयं चेव णं ओलग्गामि' । ताहे दूओ भणइ – 'किं पे[स]सि ? उअ जुद्धसज्जो निग्गच्छासि ?' तओ दूओ कुमारेहि आधारिसित्ता धाडिओ । ताहे सो आसग्गीवो सव्वबलेण उवट्ठविओ(उवट्ठिओ) । इयरे वि देसंते ठिया । सुबहु कालं जुज्झिऊण हय-गय-रह-नराइखयं च पेच्छिऊण कुमारेण दूओ पेसिओ जहा - 'अहं च तुमं च दोण्ह(ण्णि) वि जुझं संपलग्गामो । किं बहुएण अणवराहिएण जणेण विणासिएणं ?' पडिवनंमि य बीयदिणे रहावत्तपव्वयसमीवे रहेहिं जुज्झंताणमाउहेसु खीणेसु चक्कमासग्गीवो मुयइ । तं तिविठ्ठस्स तुंबेण य(उ)रे पडियं । तेणेव चक्केण आसग्गीवस्स तिविट्ठणा सीसं छिन्नं । घुटुं च देवेहिं जहा – 'एए अयल-तिविठ्ठणो समुप्पण्णा पढमबलदेव-वासुदेव'त्ति ।
___ तो सव्वे रायाणो पणिवायमुवगया । साहियं दाहिणभरहद्धं । उप्पाडिऊण तिविट्ठणा कोडियसिला बाहुदंडेहिं धरिया । सेसवासुदेवेहि य कमसो पडि(रि)हीयमाणबलाणुरूवमुप्पाडिज्जमाणा नवमेण जाणूणि जावुप्पाडिय त्ति ।
विहियमहारज्जारंभो य तिविठ्ठवासुदेवो कालं काऊण उप्पन्नो सत्तमपुढवीए तेत्तीससागरोवमाऊ अप्पइट्ठाणे नेरइओ । तव्विओयंमि य निम्विन्नो अयलबलदेवो निक्खमित्ता सिद्धो त्ति ॥छ। तिविट्ठवासुदेवो त्ति गयं ॥छ।
तओ उव्वट्टिऊण तिविठ्ठनेरइओ सीहो संजाओ, पुणो नरयं गओ । एवं कइ वि भवग्गहणाणि तिरिय-मणुएसु उववज्जिऊणाऽवरविदेहे मूयाए रायहाणीए धणंजयराइणो देवीए धारिणीए चउरासीपुव्वलक्खाऊ पियमित्तो नाम चक्कवट्टी जाओ । तओ पोट्टिलायरियसमीवे पेरते वरिसं कोडिं पव्वज्जं काऊण महासुक्के देवलोए सव्वढे विमाणे दससागरोवमाऊ देवो जाओ ।
तओ छत्तग्गाए नयरीए जियसत्तुस्स रण्णो भद्दाए देवीए पंचवीसवरिसलक्खाऊ नंदणो नाम कुमारो जाओ । बालभावाओ चेव चउव्वीसं वरिसलक्खाइं रज्जमणुपालित्ता निक्खंतो पोट्टिलसूरिसमीवे । वरिसलक्खं जाव अणवरयमासोमा(ववा)सेहिं सामण्णमणुपालेंतो वीसहिं कारणेहिं तित्थयरनामकम्ममवस्सं अणुहवियव्वं ति निकायइ । तओ *सट्ठिदिवसाणि(सट्ठिभत्ताणि) अणसणं काऊण पाणए कप्पे पुप्फुत्तरे विमाणे वीससागरोवमाऊ देवो जाओ ।
तओ आसाढसुद्धछट्ठीए चविऊणिहेव [जंबुद्दीवे भारहे वासे माहणकुंडग्गामे नयरे उसभदत्तस्स माहणस्स देवाणंदाए माहणीए चोद्दसमहासुमिणसूइओ संभूओ गब्भे । बासीइमंमि य दिणे चलियासणेण सक्केणोहिणा नाऊण भणिओ हरिणेगमेसी नाम देवो – 'जइ वि विसाललच्छी-विसालसीलेसु निम्मलरायकुलेसु उत्तमपुरिसा संभवंति, तहा वि पुरा जाइमयज्जियनीयागोयकम्मोदयसेसो चरमतित्थयरो परोवजीव[स्स] गंतूण तुच्छस्सोसभदत्तस्स बंभणस्स कुले समुप्पण्णो । ता तुमं तं गंतुं सुकुमाले(सुकुले) पक्खिवसु' ।
तओ हरिणेगमेसी 'जमाइसइ सामि'त्ति वोत्तुमागओ देवाणंदाए बंभणीए चउदसमहासुमिणाणि नीसरंताणि पासंतीए कुच्छीओ उद्धरित्तु भगवंतं खत्तियकुंडग्गामे नयरे सिद्धत्थस्स खत्तियस्स तिसलाए भारियाए
* मासिकया संलेखनयाऽऽत्मानं क्षपयित्वा षष्ठिभक्तानि विहाय - इति आ.नि. टीकायाम् ॥ षष्टि दिनान्यनशनं, पालयित्वा समाहितः ॥ इति त्रिषष्टिशलाकापुरुषचरिते ॥
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |