Page Text
________________
[३४३]
ww
wwwwwwwwwANARAYANNNNNNNNN
विडंबणा गिहवासो । ता ममाऽवि देह पव्वज्जं जेण परलोयहियं विहेमि' । सूरिणा वि चूडामणिजोइसाइसत्थकुसलेण भणिओ लल्लिगो – “चिट्ठउ सा पव्वज्जा । कहेहि किमज्ज पविलृ पिट्ठए कियाणगं ?' कहियं च तेण – 'पविढे कण-चोप्पडाई' । एवं च पइदिणं पुच्छइज्जइ सूरिणा लल्लिगो। ___इओ य [* कयाइ सुव *]ण्णदीयाओ एगे [*वणिया बहूणि सुवण्ण-रयणाणि विढप्पिऊण ताणि य मयणपिंडय*]ट्ठियाणि काऊणाऽऽगच्छंता गहिया केणाऽवि य चरडेण सुवण्ण-रयणाणि विलुत्ता य । तस्स पासाओ किणिया मयणमोल्लेण भमहवणिजारएहिं ते मयणपिंडया । तम्मज्झाऽजाणएहिं जणेहिं वि ते विक्कणणत्थमाणीया चित्तउडपिट्ठए । सूरिपुच्छिएणं भणियं लल्लिगेण - 'भयवं ! अज्जाऽऽगया मयणपिंडिया' । निमित्तमुट्ठविउं तेण य सूरिणा तेहिंतो महालाभो त्ति नाउं भणिओ लल्लिगो – 'सव्वे वि किणिउं ते मयणपिंडए गुत्ते गिहप्पएसे ठवेसु' । सो वि तहेव काउं मयणमोल्लमेव [* दाऊण गहेइ ते । तओ उवलद्धाइं *] तम्मज्झे सुवण्ण-रयणाणि । तेहिं च ववहरंतो स सिट्ठीहूओ लल्लिगो । सव्वत्थ वि जहोचियं जाओ दाणुज्जुओ विसेसओ हरिभद्दसूरिविसए।
___ पबलं च तया चित्तउडे बुद्धदरिसणं । तंमि य बउद्धेहिं हरिभद्दसूरिकलावमच्छरिएहिं निव्विजणे विणासिया तंगणियागया जिणभद्द-वीरभद्दा । तं च कह वि नाऊणुद्देगिओ हरिभद्दसूरि पवज्जतो अणसणं पवयणपभाव[* *] सेसं । तो भवविरहं भावेंतेण सूरिणा – 'संपण्णमाणुसत्तं संसारासारयं विण्णाय हे जीव ! किं पमाणयान्न(किं पमाया) न चे?से संतएण(?) सययं - इच्चाइसरूवं पसरणं(?) 'अत्ताणुरूवीयनामा पइट्ठियव्वा मए विसेसेणेओ पोत्थयसीससंतइ'त्ति गहियनिच्छओ हरिभद्दसूरी समुज्जओ गंथकरणे । महाकवित्तणओ तेण विरइयाओ साइसयपुव्वपुरिसकयाणं पि दसवेयालिय[आवस्सयनिज्जुत्तियाईण] सयं कयाणं पि य सम्ममुज्जीवावियभावत्थाओ जाइणीसूणुनामंकियाओ संपुण्णवित्तीओ। कया य निया चेवाऽणेगंतजयपडाया[ईया] गंथा [तहा] समराइच्च[कहा]ईया विउसजणजणियचमक्कारा भवविरह-नामंकिया निउणत्थगंथा । समप्पियं च सूरिणो लल्लिगेण पुव्वागयरयणाणं मज्झाओ जच्चरयणं । तदुज्जोएण य रयणीए विढप्पेइ(?) भित्तिप[एसे* लिहइ सूरी विविहे नवे गंथे । तं च सव्वं लिहावि*]यं समिद्धसावगेहि।
फुक्कावेइ य लल्लिगो निच्चं सूरिभोयणवेलाए संखं । समागच्छंति य जे संखसद्दसवणेण अत्थिणो तेसिं दवावेइ जहिच्छियं भोयणं । भुत्तुत्तरे य कयपणामा 'भवविरहुज्जया होह'त्ति दिण्णासीसा सूरिणा ते 'चिरं जीवउ भवविरहसूरि'त्ति बेंता जंति समीहियट्ठाणं । तेण सो पसिद्धो भवविरहसूरि त्ति ॥
इओ य वाणारसीए वासुगी नाम सावगो । तेण य कहंचि लद्धा वग(ओग?)केवलियसुत्तपोत्थिया। परं न किंचि बुज्झइ । समागओ य सो कयाइ वि ववहारत्थं चित्तउडे तं समप्पेइ हरिभद्दसूरिणो । तेणाऽवि
ओगकेवलि त्ति नाउं निवेइया परिणयसंघपुरिसाणं । तेहिं वि 'वित्तिमिमीए तुब्भे कुणह जेणोवओगिणी होहि' [* त्ति विण्णत्ते तेहिं विरइया ती*]ए परिफुडत्था वित्ती । विण्णासिया य तव्विवरीयाणुसारओ गीयत्थेहिं परोप्परं केवइ ओगपओगा जाव ताव तहेव संवइया । तओ पुणो 'नेयारिसाणं पावगंथाणमेयंमि काले पयासणं संगय'ति परिभाविऊण संघपुरिसेहिं चेव फुसाविया सा ओवगकेवलीए वित्ती । किं बहुणा? विरइयाणि भवविरहसूरिणा जत्तियपत्ताणि तत्तियाणि संपयपंडिएहिं वाइउं पि न तीरंति त्ति । ज[*
*अत्र कथाभागस्युटितः, यथाशक्यं च पूरितः ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |