Page Text
________________
[३४०]
गंतुं भत्त - पाणाईहिं साहवो । आराहेइ य तव - जवाईहिं विसेसओ सुयदेवयं संघो । दिन्नोवओगा य सा
'केण ?' मल्लेण भणियं
रयणीए मल्लं भणइ 'के मिट्ठा ?' तेण भणियं 'वल्ला' । पुणो य गएहिं छहिं मासेहिं देवी भणइ 'घय - गुडेण' । तओ 'अहो ! मइपगरिसो'त्ति समावज्जिया देवी भणइ 'भो ! मग्गेसु समीहियं' । मल्लो भइ 'देसु नयचक्कपोत्थयं' । देवी वि 'निप्पज्जिही तुहाऽवहारियसिलोगेणं चिय पुव्वाओ सविसेसो नयचक्कगंथो' त्ति वोत्तुं जाणाविउं च तमत्थं संघस्स गया सट्ठाणं ।
-
-
-
मल्लचेल्लओ वि तहेव विरइयनयचक्कगंथो पवेसिओ वलहीए संघेण । आणाविओ जिणाणंदसूरी । तेणाऽवि जमत्थि पुव्वगयं तं वायाविऊण य [अजिअ ] जस-जक्खेहिं सह मल्लो निवेसिओ सूरिपए । जाया य तिणि वि ते वाइणो । नवरं विरइओ अजियजसोवायणामिओ पमाणगंथो । [ सो] वि अजियजसोवायनाम पसिद्धो ।
भणइ
नाउं च दरिसणमालिन्नमूलं गुरुपरिभवं भरुयच्छे गओ मल्लवाई । पण्णविओ राया । सद्दाविओ अणेण बुद्धाणंदो । सच्चविया पुव्वपइण्णा । तओ भणियं [मज्झ]त्थेहिं 'को जंपिही पढमं ?' बुद्धाणंदो 'जित्तो जग्गुरू तस्सीसेणिमिणा बालएणं मे का गणणा ? ता दिण्णो मए एयस्स वरायस्स अग्गेवाओ' । तओ अणुण्णाएणं [मज्झ]त्थयपुरिसेहिं बहुवियप्प-पडिवियप्पाउलमुवण्णसियमविच्छिन्नवाणीए मल्लवाइणा जा *छद्दिणाणि । सत्तमदिणंते य 'दूसेउ तावेत्तिययमणुवएडं बुद्धाणंदो' त्ति वोत्तुं वच्चंति सद्वाणं रायाईया । बुद्धाणंदो वि गओ विहरियाए । संभालेंतो य मल्लवाइभणियमणुवायत्थं वि भुल्लो तव्वियप्पाडवीए। तओ संखुद्धो हियएण सदीवो पविसिऊणोवरिगं टिप्पेइ भित्तीए तव्वियप्पमालं । तहा वि न सुमरेइ । तओ 'कहमणुवइस्सं ?' ति लुम्पिएणं तत्थेव मओ बुद्धाणंदो । मिलुप्पिए य रण्णो सभाजणे रण्णा 'नाऽऽगओ बुद्धाणंदो' त्ति विसज्जिया तग्गवेसगा पुरिसा । ते वि गंतूणाऽऽगया भणंति 'देव ! अस्सूरसुत्तो नऽज्ज विविबुज्झइ बुद्धादोत्ति साहियं तप्परिवारेण' । रण्णा वि 'अहो ! न कोसलिया सेट्ठ ( एत्ता ? ) हे निद्दा | ता सम्मं नाऊणाऽऽगच्छह' त्ति वोतुं पुणो पट्ठविया पुरिसा । तेहिं वि गंतुं फोडावियकवाडेहिं दिट्ठो उव्वरिगामज्झे मओ बुद्धाणंदो । तं च साहियं रन्नो ।
एत्थंतरंभि य मुक्का गयणत्याहि मल्लवाइस्सोवरि सासणदेवयाहिं कुसुमवुट्ठी । साहिओ यां जहावट्ठिओ बुद्धाणंदवुत्तंतो १ तो ते ( तं ) नाउं पराजियं ति नीसारिउकामो वि बुद्धदरिसणं राया निवारिओ मल्लवाइणा । तओ रन्ना आणाविओ जिणाणंदप्पमुहो संघो भरुयच्छे । एवं च तित्थपभावगो विहरिउं मल्लवाई गओ देवलोयं ति ||छ । मल्लवाइ त्ति गयं ॥ छा ।
जो उण मल्लवाई व पुव्वगयावगाही खमापहाणो समणो सो खमासमणो नाम जहा आसी इह संपयं देवलोयं गओ जिणभद्दगणिखमासमणो । विरइयाई च तेण विसेसावस्सय - विसेसणवई सत्थाणि, जेसु केवलनाण- दंसणवियारावसरे पयडियाभिप्पाओ सिद्धसेणदिवायरो त्ति ||छ । सिद्धसेणदिवायरकहा
भण्णइ
—
उज्जेणीए नयरीए महावाई महाकवी य सिद्धसेणो नाम साहू । सो य कयाइ जंतो बाहिं दिट्ठो * छम्मास त्ति प्रभावकचरिते ॥
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |