________________
[१५]
aaamwammam
तुट्ठो भिल्लाहिवई, पडिओ चलणेसु बंधुदत्तस्स । भणियं च – 'सामि ! तुम्हं, अवरद्धं जं मए कि पि ॥ अमुणियपरमत्थेणं, तं खमह'; निएत्तु तेण चिराओ । पियदंसणं; स भणिओ, - 'कहमवराही पियामेलो ?' ॥ तो भणइ चंडसेणो, - 'सोभावयणेण सामि ! किमणेणं ?। देहाऽऽणत्तिं जीए, कयायवं(कयावयं?) नित्थरामि इमं' || तो भणइ बंधुदत्तो, - 'मोत्तुमिमे बंदए; कहसु किमिदं ?' । तेण वि कहिओ तस्सो-वाइयपज्जंतवुत्तंतो ॥ तो भणइ बंधुदत्तो, - 'न जीवघाएण जुज्जए पूया । देवीएँ किंतु धम्मिय !, कुसुमाईहिं; तुमं तेण ॥ हिंसमलीयमदत्तं, परदारं चयसु होसु संतुट्ठो' । तेण वि तह पडिवन्ने, पत्तगया भणइ देवी वि ॥ 'भो भो ! ममऽज्जपभिई, पूया कुसुमाइएहिं कायव्वा' । सोउमेयं च बहवे, भिल्ला वि य भद्दगा जाया ॥ एत्थंतरंमि देवी-पुरओ पियदंसणाए घेत्तु सुओ । पाएसु बंधुदत्तस्स, पाडिओ 'तुज्झ पुत्तो' त्ति ॥ बिते(ती)ए; घेत्तु तेण वि, मामयपाएसु पाडिओ; सो वि । तं घेत्तूणुच्छंगे, धरेइ तो बंधुदत्तेण ॥ पियदंसणा य भणिया. - 'वेसालिपरीनिवासिसत्थाहो । धणयत्तो नामेसो, तुह ससुरो मज्झ माउलओ' || सोउं चेमं विलिया, तप्पाएसु पियदंसणा पडिया । तेण वि दिन्नाऽऽसीसा तीसे 'सुहभागिणी होइ(सु)' ॥ तो धणयत्तो तीए, भणिओ – 'अज्जेव मंगलदिणंमि । नामनिवेसणमेयस्स कुणसु' तेणाऽवि हिटेणं ॥ 'जीवियदाणेणऽम्हं, जहा तहा बंधवाणमाणंदो । होहीमाओ'त्ति कयं, [तन्नामं] [बं]धवाणंदो ॥ [नी]ओ य बंधुदत्तो, नियगेहं तत्थ चंडसेणेण । पियदसणाए सहिओ, सव्वेण य बंधुवग्गेण ॥ भुत्तुत्तरकालंमि य, उवणीयं से समत्थरित्थं तु । भिल्लाहिवेण तुरियं, गहियं जं जत्थ भंगंमि ॥ दिज्जंति य चमराई, करीण मुत्ताहलाई दंता य । दाउं च किंचि बंदा, विसज्जिया बंधुदत्तेण ॥ कयकिच्चं च धडोहडइ(?), धणयत्तं; गमिउं किंचिकालं पि । तत्थेव, सपल्लिवई, गओ ससत्थो य नायरिं ॥
