Page Text
________________
[२९६]
तत्य य एगा स्वबई कण्णा बालकालाओ चेव विसमुवजीवाविया नंदेण धारिया चिट्ठइ । तओ चंदगुत्त-पच्चयगेहि नंदरमि विहंजिष्णते पव्ययगस्स तीए विसकपणगाए उवरि अणुरागओ सा तस्सेव दिपया पाणिग्गहणमि य सीए अग्गियारियातावदडियपासेवेण संचरियविसो लुलंतो पव्वयगो चंदगुत्तं भणइ - 'वयंस ! संपयं मरिष्कइ' । तओ चंदगुत्तो विसुत्तारणनिमित्तं ववसेंतो चाणक्केण 'ओसहं विणा वाहि पित मूख ! किं नोक्खसि निन्निमित्तं ? ति' समुल्लवित्ता भिउडि काऊण निवारिओ । तओ मयंमि पत्त्यायगे दो वि रज्जाणि चंदगुत्तस्सेव जायाणि ।
एवं च महावीरमुतिसमयाओ पंचावण्णवरिससएणुच्छिण्णे नंदवंसे चंदगुत्तो राया जाओ ति ॥
तात्य य केई नेदमणूसा वि समयपासविया चोरियं कुणंति । तेसिं च निग्गहणत्थं चाणक्को कमवि तलार गरेसंसो कयाइ गओ एगस्स कोलियस्स घरं । सो वि मंकोडयदरीमुक्खणित्ता दिट्ठो [दितो] अग्गि, पुच्छिओ य - 'किमत्वमेवं कुणसि?' सो भणइ - 'न एए थक्कति दुट्ठा जाव न निम्मूलिया' । 'अहो ! सुबुद्धिति चितिऊण चाणक्को गओ चंदगुत्तसमीवं । हक्काराविओ सो कोलिओ । दिण्णं तलारत्तणं । तेण य ते नंदचोरा खाण-पाणाइणा सम्मं वीसासिऊण सव्वे सकुडंबा निक्कंदिया त्ति ॥छ। नंदो त्ति गयं ॥छ।
इओ य चाणक्केण हिडतेणं जत्थ गामे पुधि भिक्खा न लद्धा आसि तत्थ कोडुंबियाणं दुट्ठाएसो विसजिओ जहा - 'तुझमेहिं रक्खणत्थमंबगाणं वाडी वंसाणं कायष्वा । गामेल्लएहिं वि वंसीओ छिदिऊण अंबगाण पासेसु कया वाडी । तओ चाणक्को रुट्टो भणइ - 'न मए एवमाइटुं, किंतु वंसीण रक्खणत्थं पासेसु अंबगाण वाडी कायव्वा । तुबभेहिं पुण विवरीयं कयं । ता निग्गहजोग्ग'त्ति वोत्तुं पलीवाविओ सवाल-वुझे सव्यो वि गामो ।
तओ ‘पर भंडार नस्थिति बितिऊण य चाणक्को दीणारभरियं थालं मंडित्ता कूडपासएहिं लोएण सह जूयं रमिउमारखो। भणइ अ- 'जो मं जिणइ तस्सेमं दीणारभरियं थालं देमि जइ पुण अहं जिणामि तो एकेकको चेव दीवारो मय दायल्यो । तओ पुणो वि 'अइथोवो सविलंबो य एसो दव्वोवज्जणोवाओ ता अण्णं कमवि उवायंतरं करेमि'त्ति भाविऊण सद्दाविया सव्वे नागरगा । दिनं तेसिं महाभोज्यं । पाइया मकं । तओ मतेसु वाजतमि तूरे मांझपाणपत्थमुट्ठिऊण नच्चंतो चाणक्को भणइ - ‘दो मज्झ धाउरत्ताई कत्थाई, कंचणकुंडिया, लिदंडं च राया मे वसवत्ती एत्य वि, ता मे होलं वायह' । तओ कोलिएहिं वाइया गंभीरा *कुंपरी । तओ अण्णो नच्चमाणो मत्तो भणइ - 'गयविडयस्स जोयणसहस्सं थवंतस्स जावइयाणि फ्माणि सिमेक्केवक एवं सुवष्णसहस्सेणं पूएमि एत्थ य, ता मे होलं वायह' । वाइया य कुंवरी । तओ अण्णो भषा - 'तिलआयस्स बहुसइबस्स निष्पन्नस्स जावइयाणि लिलाणि तावइयाणि मम सुवन्नसहस्साणि इत्थ य, ता मे होलं वायह' । आहया कुंवरी । तओ अण्णो भणइ – 'सुपाउसंमि पुण्णाए गिरिनईए सिग्धवेगाए उदगं एगदिवसुप्पण्णलोलिएणं पालि बंधित्ता परामि एत्थ वि, ता मे होले वायह । अप्फालिया कुंवरी । तओ अण्णो भषइ - 'जच्याण वरकिसोराण एगदिवसजायाण केसेहिं पाडलिपुत्तसीमं सव्वं छाएमि एत्थ वि, ता मे होलं वायह' । खोट्टिया कुंवरी । तओ अण्णो भणइ - 'दो मज्झ अत्थि रयणाणि भिण्णभिण्णसालिबीयाणं, पसूई तहा गद्दहिया साली । सा य छिण्णा छिण्णा पुणो पुणो फलइ एत्थ य, ता मे होलं वायह' । पिट्टिया य कुंवरी' । तओ अण्णो भणइ - 'सययं चंदणचच्चियंगो निच्चसुगंधो *झुम्बरी इति त्रिषष्टिः ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |