Page Text
________________
[२६८]
NAMANANamasan
तओ घेत्तूण लेहं वाइउमाढत्ता, मुणियलेहत्थाए य भणिओ दइओ - 'अज्जउत्त ! मा झूरसु । तहा करेमि जहा तुरियं पेच्छसि गुरुणो' । [तओ] लेहत्थकहणपुव्वयं भणिओ भाया सह बंधवेहिं जहा – 'विसज्जेसु अज्जउत्तं मए सह जेण पेच्छइ सिणेहकायरे जणणि-जणए' । पसत्थवासरे य महाविछड्डेणं पट्ठविओ अण्णियाए सह । __अद्धपहे य पसूया देवकुमारपडिमं दारयं । कयमुचियकरिणिज्जं । 'गुरुणो य घरंगयस्स नामं करिस्संति'त्ति तमकयनाममभिरमातो परियणो अण्णियासुत्तनामेणुल्लावेइ । कमेण य पत्तस्स गेहमम्मापिऊहिं संधीरणो त्ति कयं पि नामं न पसिद्धि गयं ।
वटुंतो य संपत्तो जोव्वणं सह कलाकलावेण । सुणियजिणवयणो य संसारभउव्विग्गो अण्णायविसयसगो(सरूवो) महाविभूईए विजयसिंहायरियंतिए पव्वइओ त्ति । अवि य -
धण्णो अण्णियपुत्तो, जो विसयसुहाइं नरयमूलाई ।
मोत्तूणं पव्वइओ, सासयसोक्खस्स तण्हाए । परिणमियवय-नाण-दसण-चरणो य कालंतरेण जाओ सूरी । विहरतो य गच्छपरिवारिओ पत्तो पुष्फभई नाम नगरं । तत्थ पुष्फकेऊ राया । पुष्फवई से भारिया । [पुप्फसुविण]यसूइयं च पसूया सा जमलमिहुणयं । पइट्ठियं च दारयस्स पुष्फचूलो त्ति नामं, कुमारियाए य पुप्फचूल त्ति । वड्डियं च तं मिहुणयं कलाकलावाइएहिं, संपत्तं च जोव्वणं । अण्णोण्णाणुरत्तं च जाणिऊण चिंतियं पुष्पकेऊणा – 'जइ परोप्परं मिहुणयं विओइज्जिस्सइ ता नूणं मरिस्सइ' ।
___ तओ अण्णदियहमि मेलिऊण नागरए भणियं राइणा – 'भो भो ! जाणि अंतेउरे रयणाणि उप्पज्जंति ताण को सामिओ ?' तओ अजाणिऊण से भावत्थं भणियं नागरएहिं - 'देव ! चिट्ठउ अंतेउरं, जमेत्थ विसए वि उप्पज्जइ तस्स देवो सामी' । राया भणइ - 'जइ एवं ता उप्पण्णमिमं पुरिसित्थिरयणजुवलं । एयं च तुम्हं भासाभरणेण निदोसत्तणओ परोप्परं परिणाविस्सामि' । तओ विलक्खीहूया गया सट्ठाणं नागरया । विवाहावियं मिहुणयं । मयंमि य पुप्फकेडेमि पुप्फचूलो चेव राया जाओ । पुप्फवई वि सावगामझं वारेंती प[रिणयणं?] 'रण्णा विरुद्धसंगो कओ' त्ति पव्वइया । मया य देवलोगे देवो जाओ।
ओहिनाणोवओगेण य दिटुं तेण मिहुणयं विसयासत्तं । 'मा य दोग्गईए अकयधम्ममेयं वच्चउत्ति भातेण जणणीदेवेण पुष्फचूलाए दरिसियाणि सुविणए जहावट्ठियसत्तनरयाण छेयण-भेयणाईणि तिव्वदुक्खाणि । विबुद्धाए भयवेविरंगीए पुष्फचूलाए साहियाणि ताणि पइणो । तेणाऽवि मंगलत्थं करावियाणि संतिकम्माणि । तहा वि दरिसिज्जंति देवेण पुणो पुणो नरयदुक्खाणि । तओ 'दिव्वविलसियमिमं' ति मन्नमाणेणं रण्णा सद्दाविया सव्वे पासंडिणो । पुच्छिया य पिहप्पिहं नरयसरूवं ।
तत्थ य केहि वि भणियं - 'नरओ दालिद्ददुक्ख'मण्णेहिं । 'गुत्ती गब्भनिवासो, परवसत्तं कुसंगाई' ॥ 'नीयसंगाई' केण वि, भणिओ न नरएहिं देविदिव्विहं(देवीदितुहिं?) । तत्तो पुव्वा(पुट्ठो) रण्णा, सद्दाविउमण्णियापुत्तो ॥ तेहि य 'दुग्गंधाओ, तमंधयाराओ नरयपुढवीओ ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |