Kahavali Pratham Paricched Part 02

SR No.: 007109
Original Sutra Author: N/A
Author: Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2016
Total Pages: 378
Language: Sanskrit
Classification: Book_Devnagari
File Size: 13 MB

Page 284

[२६७]
सव्वे वि गया देवलोगं ति ॥छ। मणिप्पभो त्ति गयं ॥छ।
___ मणिप्पभकालीणो य कूणिओ पसत्थं महावीरस्स वयणमवमण्णिऊण कराविय[कारि]मचक्कवट्टिवाहणो(रयणो?) सबलवाहणो चक्कवट्टिभुत्तिसाहणत्थं वेयड्डपव्वयंमि गंतुमावासिओ तिमिसगुहादुवारदेसे । तओ अट्ठमेणं भत्तेणं तिमिसगुहानिवासिणं कयमालगं नाम जक्खमाराहेइ । तओ तीए गुहाए कवाडे कारिमदंडरयणेणं आहणेइ । [ताहे] समागंतूण पभणियं कयमालगजक्खेणं – 'अईया बारसचक्कवट्टिणो। ता तुमं वलसु' । तह वि नवि वलिओ कूणिओ मणिरयणं च हत्थिमत्थए काऊण तंमि समारुहित्ता चलिओ कयमालगाभिमुहं । तेण वि तलप्पहारं दाऊण वावाइओ कूणिओ [गओ] छट्ठपुढविं ति ॥ कूणिओ त्ति गयं ॥छ।
कूणियस्स य कयमालगजक्खेण विणासियस्स सयलं पि सिविरं वलिऊण समागयं चंपाए । तओ तत्थाऽहिसित्तो कूणियस्स पुत्तो उदाई नाम राया । तस्स य उदाइस्सुद्देगो जाओ जहेत्थ नगरे मम पिया आसि । ता तेण विणा नेदमहं पेच्छिउं सक्केमि' । तओ तेण अन्ननगरनिवेसणत्थं हक्काराविया वत्थुविज्जाजाणगा। भणिया य - 'सुभूमिं निरूवेत्ता मम निमित्तमण्णं रायहाणिं निवेसेह' । तेहिं वि भूमिविभागं जोयंतेहिं दिढ़ेगा पाडली जीसे निमित्तमण्णियापुत्तो त्ति ॥छ।।
अण्णियापुत्तकहा भण्णइ -
अत्थि भरहवासालंकारभूयाओ दोण्णि महुराओ - दाहिणमहुरा य उत्तरमहुरा य । [उत्तरमहुराओ य] देवदत्तो नाम वणियपुत्तो दक्खिणमहुरं दिसायत्ताए गओ । तत्थ य तस्सेगेण जयसिंहाहिहाणवाणियगेण मेत्ती जाया । नियभगिणी य अन्नया[अण्णिया] नाम जयसिंघेण भणिया – 'सुंदरभोयणं कुणसु जेण मित्तेण सह भुंजामि' । निप्फण्णे य भोयणे सो वाहरिओ उत्तरमाहुरो वणियमित्तो । समाढत्ता य दोण्णि वि भोत्तुं । अण्णिया वि तेसिं पुरओ वीयणयहत्था [ठिया] । तीसे य सव्वंगाणि पुलइऊण चिंतियं उत्तरमाहुरेण – 'अत्थोरुयत्थो(?) विही जेणेसा करेहिं फासिया । ता अलं मे जीविएणं जइ एसा न मे पियपणइणी हवई' ।
__ तओ बीयवासरे पट्टविया तीए वरगा । भाउणा भणियं – 'अणुरूवो एस अण्णियाए वरो । किंतु जइ एवं ता इहेव चिट्ठियव्वं पवसणकालं जाव' । तेण वि 'तह'त्ति पडिवज्जिऊण परिणीया महाविभूईए। तीए य सह सब्भावसारं जीवलोयसुहमणुहवंतस्स समइक्कंतो कोइ कालो । जाया आवण्णसत्ता । अण्णदियहमि देवदत्तस्स सुहासणत्थस्स आगओ उत्तरमहुराओ लेहवाहओ । समप्पिओ लेहो तायनामंकिओ त्ति काउं नाओ जहा सामिलेहो । पणमिऊण य विहाडिओ । लिहिअं तत्थ सारभूयमिमं -
'तुज्झ विओगानलसंताविएहिं जं किंचि दुक्खमम्हेहिं । पत्तं तं मा रिउणो, सइणे(सुविणे?) वि लहंतु ते वच्छा ! ॥ ता जइ इच्छसि दट्ट, अम्हे जीवंतए तओ तुरियं । '
आगच्छेज्जसु गुणनिहि !, किमेत्थ बहुणा पलत्तेण ?' || तओ अवधारियलेहत्थं विमणं पिययमं पुलइऊण भणियमण्णियाए – 'अज्जउत्त ! किं कुसलं पुभूसणं(पियराणं?)' । तेण भणियं – 'पिए ! केरिसं कुसलं जेसिमम्हारिसा कुलकलंकभूया तणया ?'