________________
[२६२]
emamawware
ठाणं सत्तरसं मिच्छादसणसल्लमंतिमं । । मोत्तु अट्ठारसगाणि, पावट्ठाणाणि जंतुणो ॥ मुत्ति भ(स)ज्जा गया जंति, गमिस्संति जहा जिणा । संसारं सट्ठाणाईहिं, नाउं सुहविवागियं ॥ तुब्भे सुहविवागंगं, दयाईयं वि[भ]ज्जह । दया-सच्च-मचोरिक्कं, सुबंभ-मपरिग्गहो । खमा-मद्दव-अज्जव-संतोसो सिवपेम्मया । सोमणस्सं, पसंतुत्ती, सुआ[नाणगु]णुत्तिया(?) ॥ गुणत्तीहेडं चाऽऽदेया, रई ति सोलसारि[णी?] । जुत्तं [च] सव्वनिव्वेयं, दुगाइसंगसूयगं ॥ एयं सत्तरसं ठाणं, सम्मइंसणमंतिमं । घेत्तुमट्ठारसेमाणि, पु[ण्ण]ठाणाणि जंतुणो ॥ एवं वएण धण्णाणि, परूवेंतो पिहप्पिहं । सुहदुक्खविवागाण-मज्झयणाणि सामिओ ॥ तीसं वासा गिहत्थत्ते, पक्खछम्मासबारसा । वरिसाणि छउम्मत्थो, तीसं वासाणि केवली ॥ सड्डछम्मासहीणाणि, जो होउं मासि कत्तिए । अम्मावसाए गोसंमि, साइभे छ?भत्तिओ ॥ सक्काईहिं सुणिज्जतो, समोसरणं[मि] ठिओ ॥
संपत्तो मुत्तिमेगागी, वद्धमाणजिणो इति ॥छ।। वद्धमाणसामि त्ति गयं ॥छ।
निव्वाणगयंमि य सामिमि 'संपयमत्थमिओ केवलनाणकिरणिल्लो तित्थयरदीवो'त्ति कलिऊण सव्वेहिं वि नराहिवईहिं कराविओ दीवुज्जोओ । तप्पभिई च सव्वत्थ वि पसिद्धिं गया दीवालिया ।
गोयमेण वि मग्गत्थं देवसम्ममाहणं संबोहित्ता चंपाए गंतुं महावीरभणियं साहिऊण सविसेसं संभासिया सुभद्दा । तीए वि विण्णायपरमत्थाए भणियं - 'सिद्धो सामिपत्ति । गोयमो भणइ - 'कहं जाणसि ?' सा भणइ – 'ममाऽऽसि साहिओ पुव्वमेव पुच्छिएणेवं मुत्तिसमओ निजो । मम उण तइयभवे भावि'त्ति ॥छ। सुभद्द त्ति गयं ॥छा।
सोउं च सुभद्दाए, भणियमिमं गोयमो [वि] चितेइ । 'निम्मोहे जो मोहं, विहेइ सो हं व होइ दुही ॥ पेच्छह वीरेण सिज्झिउकामेण साहिया वत्ता । परमेसराणमहवा, काऽवेक्खा मारिसजणस्स ? ॥ को वा ममाऽवि मोहो ?', त्ति झाणमारुहिउं केवली जाओ । कयकिच्चो य कमेणं, गोयमसामी वि सिद्धो त्ति ॥
